जर्मनी (जर्मन: Deutschland), अधिकारिक रूपसे जर्मन सङ्घीयगणराज्ज, मध्य यूरोपमे एगो देस हे। ई रूसके बाद यूरोपमे दूसरा सर्बाधिक जनसङ्ख्यावाला देस हे, आउ यूरोपीयसङ्घके सर्बाधिक जनसङ्ख्यावाला सदस्सराज्ज हे। जर्मनी उत्तरदने बाल्टिक् आउ उत्तरसागर, आउ दक्खिनदने आल्प्स् के बीचे स्थित हे। ई ३५७,०२२ km² के क्षेत्रमे बिस्तृत हे, एकर १६ घटक राज्जमे लगभग ८.४ करोड़के जनसङ्ख्या हे। जर्मनीके सीमा उत्तरदने डेन्मार्क्, पूरुदने पोलॅण्ड् आउ चेक् गणराज्ज, दक्खिनदने आस्ट्रिया आउ स्विटजर्लॅण्ड् आउ पच्छिदने फ्रान्स्, लक्स्म्बर्ग्, बेल्जियम् आउ नीदरलॅण्ड् से लगहे। देसके राजधानी आउ सर्बाधिक जनसङ्ख्यावाला नगर बर्लिन् हे आउ एकर बित्तीय केन्द्र फ्रॅङ्कफर्ट् हे। सबसे बड़का नगरीयक्षेत्र रूर् हे।
एकरो देखी edit
सन्दर्भ edit