जमसेदपुर या जमशेदपुर (सन्ताली: ᱡᱟᱢᱥᱮᱫᱽᱯᱩᱨ; अङ्ग्रेजी: Jamshedpur) जेकर दूसरनाम टाटानगरओ हई, भारतके झारखण्ड राज्जके एगो नगर हई। ई झारखण्डके दखिनी भागमे स्थित पूर्बी सिंहभूम मण्डलके भाग हई। जमशेदपुरके स्थापनाके पारसी ब्यवसायी जमसेदजी नौसरबान (जमशेदजी नौशरवान) जी टाटाके नामसे जोड़ल जाहई। १९०७ मे टाटा आयरन् ऐण्ड् स्टील् कम्पनी (टिस्को) के स्थापना से ई नगरके बुनियाद पड़लै। एकरासे पहेले ई साकची नामक एगो आदिबासी गाँव होव करहलै। एहाँकी मट्टी करिया होवेके चलते एहाँ पहला रेलवे-स्टेसन् कालीमाटीके नामसे बनलै जेकरा बादमे बदलके टाटानगर कर देल गेलै। खनिज पदार्थोके प्रचुर मात्रामे उपलब्धता आउ खड़कै आउ सुबर्णरेखा नदीके आसानी से उपलब्ध पानी, आउ कोलकाताके पास होवे चलते एहाँ आजके आधुनिक नगरके पहला बीज बोवल गेलै।
जमसेदपुर आज भारतके सबसे प्रगतिसील औद्योगिक नगरमे से एक हई। टाटा घरानाके बडी कम्पनिके उत्पादन इकाई जैसे टिस्को, टाटा मोटर्स्, टिस्कॉन्, टिन्पलेट्, टिमकन्, ट्यूब् डिवीजन, इत्यादि एहाँ कार्यरत हई।