Wp/mag/गनतन्त्र दिबस (भारत)

गनतन्त्र दिबस (गणतन्त्र दिवस) भारतके एगो राष्ट्रीय परब हई जे प्रतिबरस २६ जनबरीके मनाबल जाहई। इबरस २०२३ मे भारतके ७४मा गनतन्त्र दिबस मनाबल जाइत् हई। एही दिन १९५० के भारतसरकार अधिनियम (१९३५) के हटाके भारतके सम्बिधान लागू करल् गेलीबहल्। इ भारतके तीन राष्ट्रीय अबकासमे से एक हई, अन्न दु स्‍बतन्त्रता दिबस आउ गान्धी जयन्ती हई।

एहो स्बतन्त्र गनराज्ज बने आउ देसमे बिधानके राज स्थापित करेला २६ नबम्बर् १९४९ के भारतीय सम्बिधानसभा द्वारा एकरा अपनावल् गेलई आउ २६ जनवरी १९५० के लागू करल् गेलीहल्। एकरा लागू करेला २६ जनबरीके तिथिके एहीला चुनल् गेलीहल् काहेकि १९३० मे एही दिन भारतीय राष्ट्रीयकाङ्ग्रेस् भारतके पूर्ण स्वराज घोसित करकैहल्।

इदिन प्रतेक भारतीय अपन देशला प्रान देवेबाला अमर सपूतके श्रद्धाञ्जलि अर्पित करहथिन्। गनतन्त्र दिबसके पूर्ब सन्ध्यापर राष्ट्रपति राष्ट्रके नाम सन्देस देहथिन्। बिद्यालय, महाबिद्यालय आदिमे कई कार्जक्रम आयोजित करल् जाहई। भारतके राष्ट्रपति दिल्लीके कर्तब्यपथ पर भारतीयझण्डा फहरावहथिन्। राजधानी दिल्लीमे बडी मनी आकर्सक आउ मनमोहक कार्जक्रम आयोजित करल् जाहई। दिल्लीके अच्छा तरहसे सजाबल् जाहई कर्त्तब्यपथ पर बडी धूम-धाम से परेड् निकलहई जेकरामे बिभिन्न परदेस आउ सरकारी बिभागके झाङ्कि होवहई। देसके कोना-कोनासे बेकत् दिल्लीमे २६ जनबरीके परेड् देखे आवहथिन्। भारतीय सेना अस्त्र-सस्त्रके परदर्सन होवहई। २६ जनबरीके दिन धूम-धामसे राष्ट्रपतिके सबारी निकालल् जाहई आउ बहुते मनमोहक कार्जक्रम आयोजित करल् जाहई।

चित्रदीर्घा

• 
  भारतके झण्डा गनतन्त्र दिबसपर
• 
  रातमे चमकित राष्ट्रपति भवन्।
• 
  भारतीय बायुसेनाके बायु कलाबाजी परदर्सन दल तिरङ्गा परदर्सित करित्।
• 
  गनतन्त्र दिबसपर सीमा सुरक्षाबलके जवान।
• 
  राष्ट्रीय सुरक्षा गार्ड् कमाण्डो २०१७ गनतन्त्र दिबस परेड् मे मार्च् करित्।

सम्बन्धित लेख

• स्वतंत्रता दिवस (भारत)
• भारतीय सम्बिधान