Tlawmngaihna hlu hi Rokunga hla phuah, tlawmngaihna chungchang a phuahna a ni a. Hë hläah hian Pu Rokunga chuan tlawmngaihna chu mizote rama awm reng tùra a duhna záiin a chawi a ni.
A hlä edit
Kan tlang kan ram, a hring a mawi,
Tlawmngaihna pangpar mawi a vul;
Rangkachak leh lunghlu aiin,
Chu pangpar chu a mawi zâwk e.
Aw tlawmngaihna hlu, aw nunna par,
Kan tlang ram nuam hmunsángah hian,
Kum sang tam tak pawh ral mah sé,
Zamual liam lovin ding reng rawh.
Ka chawi ang che, sakhming hluanin,
"Zo nun par mawi" ka ti ang che;
I mawina rimtui leng vêlin,
Ramtin kiltin a fang dèl dèl.
Hmanah pipu lenlai ni khan,
I hmel ni angin a eng ṭhin a;
Kan ram kan hnam timawitu kha,
Thliah hnu chhawl ang a chul zo ta.
Tunlai khawvêl hun tharah hian,
Harhin par ang lo vul leh la;
Kan thiam kan fin timawi turin,
Kan thinlungah lo cheng leh rawh.