Wp/lus/Pu Rokunga

Pu Rokunga (1914-1969) hi mizo hla phuah thiam hmingthang berte zinga mi, Kan zotlang ram nuam tih leh hla lär dang tam tak phuahtu a ni.

Pu Rokunga
<spant style="font-family:Segoe script;">Pu Rokunga thlalâk i neih chuan rawn thawh la kan läwm hlë ang
A chanchin tlangpui
Hming	Pu Rokunga
Pian kum	Kum 1914, ramtuk thla ni 20, zirtàwpni
Eizawnna	Synod Press-ah a thawk.
Thih kum	Kum 1969, vawkhniakzàwn thla ni 12, inrinní
Sülhnu lam
Kutchhûak	Kan Zotlang ram nuam, Mizo kan nih kan läwm e, Kumpuisül a lo vei chángin, Tùrnipui kan do dài, Vawiin chuan ram ṭuan kan rél e.
Chawimawina	Mizo Poet of the Century, Mizo Hla Kungpui Mual-ah sengluh a ni bawk.
Hriat hlawhna ṭhenkhatte
Hla phuah thiam, Mizote zinga ngaihsàn hlawh berte zinga mi a ni.

A chanchin tawi

Pu Rokunga hi kum 1914, ramtuk thla ni 20-ah Aizawl Venghnuaiah a piang a, A pa chu Thangluta a ni a, a nu chu Zaliani a ni. Hlo thlo chunga lehkha zirin kum 1929-ah Middle Sikul a passed a. Kum 1934 aṭangin Synod Press-ah khawl chhut hna a thawk a. Kum 1945-ah Kohhran Upa atan thlan a ni a, kum 1969, vawkhniakzawn thla ni 12-ah a thi a, a thih thleng hian Synod Press-ah a thawk a ni. Kum 1939 aṭangin hla a phuah ṭan a, hla 128 a phuah a. A hla phuah te hi Krismas hla te, Kristian hla te, Khuarel lam hla te, Ram hmangaihna lam hawi hla te an ni tlangpui a. Mizoram Millenium Celebration Committee chuan kum 2000-ah khan Mizo zinga "Poet of the Century" atan Pu Rokunga hi a puang a ni

A hla phuahte

Chanchin kimchang : Pu Rokunga hlate

A hla phuah ṭhenkhatte:

1. Turnipui kan do dai
2. Vawiin chuan ram tuan kan rel e (Lawmrual hla)
3. Chite lui
4. Kan zo tlang ram nuam
5. Kumpui sul a lo vei changin

Thulâkna

1. Class-IX Mizo (MBSE) Second Impression : 2002