Wp/lus/Rinâwt

En bawk la : Ritihhâ, Richang, Riphui, Rithäwp, IPA

Rinâwt kan tih chu riphui chi khat, thaw dawt (boruak kalkawng) tléma tihzim deuh hleka boruak nawr chhuaha lamho sawina a ni. Entirnan, kan hachung leh hahnuai hmanga thaw kawng kan tihphui deuh hlek chuan [s] te, [z] te kan lam thei a. Chutiang bawkin kan hmuihnuai leh kan hachung hmanga boruak kan sàwr zim deuh hlek chuan [f] te, [v] te kan lam thei a. Chuvangin [f], [s], [v] leh [z] te hi rinâwt an ni. Boruakin a kawng lo daltu a rawn tàwnnaina ri a siamte an ni a, chuvangin a a lo daltu chu boruakin a rawn nâwt a ni.

Entirna

Mizo ṭawnga kan rinâwt neihte chu:

• [f]. Fei tiha f rîk dàn ang hi.
• [h]. Hei tiha h rîk dàn ang hi.
• [l]. Lei tiha l rîk dàn ang hi.
• [lʰ]. Hlei tiha hl rîk dàn ang hi.
• [s]. Sei tiha s rîk dàn ang hi.
• [v]. Vei tiha v rîk dàn ang hi.
• [z]. Zei tiha z rîk dàn ang hi.

Thulâkna

• Ladefoged, Peter; Maddieson, Ian (1996). The Sounds of the World's Languages. Oxford: Blackwell. ISBN 0-631-19814-8.
• Maddieson, Ian. Patterns of Sounds. Cambridge University Press, 1984. ISBN 0-521-26536-3.