Wp/lus/Kan Zotlang ram nuam

< Wp‎ | lus
Wp > lus > Kan Zotlang ram nuam

Kan Zo Tlangram nuam hi Pu Rokunga hla phuah sak hlawh leh lär berte zinga mi a ni. Hë hlä hi Mizote fuihna hla ṭha tak a nih bâkah a thühlä a mawiin thuhlaril lama ngaihsàn a hlawh hlë.

A hlä edit

Kan Zo Tlagram nuam hi Chhawrpial rún i iang e,
Hallote'n lungruala dár ang kan lènna;
Perhkhuang ṭingṭang zaia kan chawi lai i mawi e,
Pármawi tinréng leh thlifím lènna kan Zoram nuam.

I mawi êm e, kan Zoram hmunsâng,
Fiara tui thiang kan dàwnna;
Tlangtina thingtin zár mawi leh romeia zám kárah;
Tlangtin zaléng zawngte lungrual kan insuihkhâwm,
Aw i mawi chuang mang e, kan lènna Zo Tlangram nuam.

Hmanah pipu lasi khuavàng lengtin kaiin,
Doral hlau rëng rënga ram ṭuan nilenna;
Thinlai lungmawl vanga tlangtin rautin zawlin,
Tunah erawh thimna te'n zamual an liam zo ta.

Zaiin chawi vêl ila perhkhuang ṭingṭang remin,
Hei ang ram nuam rëng hi ram dang awm vè maw;
Auvin hril vêl ila khuavêl hnamtin zâwtin,
Hei ai ram nuam zâwk hi awm chüangin ka ring nëm maw.

Kan ram mawi chul lo la parin vul lehzual la,
Ṭhangthar hmatiangsâwnna tùr khua sei leh sé;
Tin lo párin lo ṭhangin lo sáng zël ila,
Chung Pathian malsawmna pawh kumkhua'n awm zël rawh se.

Thulâkna edit

  • Kan Zo Tlangram Nuam, Rokunga, satu: Tahan A group[[1]]