Aihniara hi hmanlai mizo pa ţuanran vanga lar a ni.
Thuhma edit
A hmasain Aihniara hi thawnthu ni lovin a tak tak a ni tih han hre phawt ila. Aihniara hi Fanai hnam a ni a, Fanai lal Rorehlova khua leh tuia mi a ni. Rorehlova'n thlang a rawn tlâk khan Selesih-ah a rawn luhpui a ni. Tuna Mizo hnahthlak kan tih zawng zawng deuhthaw hi Ṭiaural aṭangin thlang an rawn tla hlawm a, Selesih khuaah hian lal pasarih neiin ho hrang hrang an awm khawm vek a ni. Heta ṭang hian a nia Aihniara pawh a lo hmingthan tak em em ni.
A ţuanranzia pipute sawi dàn edit
Aihniara thiltih ṭhenkhatte han sawi ila. Âwm lo lutuk ang chi a awm a nih pawhin kan pi leh pute’n titi bera an lo neih a nih avangin a hlu ve hrim hrim a, ngaihnawm chhiarin chhiar ila a ṭha ang.
1. Lui dung chinrang (sava chi khat) te hi a ûm a, a mei a pawt ṭil hman e, an ti.
2. A pa a damlo tih an hrilh a, Chipui khura a chi teng lai chu a haw ta a. A pa thawi nan Kel a kai bawk a, Selesih chu a ban hman an ti. A kel kaih chuan lei pawh a rap hman mang lo niin an sawi.
3. A lâwm rawih ni-ah pawh vau-ah tui a zu chawi a, a hmanhmawh lutuk chuan a tuithawl phurhte chu a tikeh zo va. A tuithawl phurhna paikawng (êm chi khat)-in a chawi ta a. A lâwmte chu a tulh kim hman vek e an ti!
4. Aihniara hi pasalṭha sa kap thei tak a ni a, a chhan chu a tlân chak em avang hian, a sa hnu chhui te pawh hi a kahna tawkah a umpha zung zung mai ṭhin a, a kap leh mai ṭhin.
5. Tumpang (Ramsial) hi a kal thei hle bawk. A chhan chu, Tumpang kawlhin a um pawh hian a tlân peng zeuh a, tumpang erawh kha chu a tlân tlang zurh mai ṭhin si a, chu chu a lo kap hman ṭhin a ni an ti.
Tumpang a hlauh loh thu edit
'Aihniara hian tumpang kawlh pawh a hlau ve lo' an ti ṭhin a. Hei hi a chhan chu a huaisen a, a ṭuan a rang a, a chak bawk si a, remchang takin a lo kap leh mai ṭhin a ni. Tumpang um tur hian Aihniara hian ram vahpui tur a hmu mang ṭhin lo va, "A ṭuan a rang si, a huaisen bawk si, min tawktarh a ni ringawt mai, tiin ramchhuahpui tur a van em em ṭhin. Tumpang a um pawhin a khêl a beng pha zat zat a, tumpangin a um ve pawhin a mawng a hnîm pha ve zat zat a ni, an ti!
A thihdàn edit
A thih danah hian mi rinhlelh a kai hle. A ṭhiante nena tumpang uma an ramchhuah ṭumin, "Tumpangin a sihlum," ti-a zualkovin a ṭhiante chuan a pa an hrilh a, a pa chuan, "Ka fapa Aihniara hi tumpangin a sihlum hman lo vang," tiin thu dang sawi belh lohvin a ngawi hmak mai a, a ṭhiante’n an kaphlum palh zawk a nih an ring tlat a ni.
Thulâkna edit
- F. Sapbawia, Fanai Chanchin
Zawmchhuahna edit
Ahnuaia mi hi thulâkna pui ber a ni; a hnuaia ziaktu lehkhabu ràwn chu a chunga kan ziah tawh khi a ni.