Rōdariek um šīnõdõks riek, mis pǟl broutšõbõd rāņgõd. Ežmizt šīnõdõks riekūd teitõ pūstõ ja nēḑi vȯļ ibīzõks viedāmõst. Ku Englišmōl ulz-kovāltiz our mašīn, siz īrgiztõ riekīdi eitõm our rāņgõd pierāst. Lețmōl ētiz ežmi rōdariek Pitalov ja Vēna-Nīn vaizõ 1860 āigasts. Se vȯļ jag Pettõrborg - Varsav rōdariekstõ. Kurāmōl ētiztõ 1901 āigasts rōdariek Vǟnta ja Rīgõ vaizõ, mis strōdõb ka paldīņ. Sūrd rōdariekūd Lețmōl āt 1524 millimetrõ laigit. Rōdariek Līepõ ja Vǟnta vail võtīz mōzõ 2009 1918 ja 1960 vail broutšiz ka Līvõd mōl raņg Vǟnta ja Irē vail kitsõd šīnõdõks (600 mm laigit) rōdariek pǟl. Jālgabīs broutšõbõd šīnõdõks riek pǟl tramvajd.
