| Īdkȭrdali kūzõz Picea abies | |
| |
| Vōlikšimi | Plantae |
| Phylum | Magnoliophyta |
| Klas | Pinopsida |
| Order | Pinales |
| Aim | Pinaceae |
Kūzõz agā Īdkȭrdali kūzõz (Picea abies) um ikš nõggõlpū, mis um laigāld lagtõnd amās pūoj-pūoļizõs Eirōpõs ja Āzijs.
Amā lieudtõb pū Leţmōl – tuoi setku īdkȭrdaliz piedāg ( Pinus sylvestris) tagān. Irdi jelamiz-igā kūzõn um 200-300 āigastõ. Sīe kuordit võib vȱlda 40 m sōņõ. Amā kuordim mǟrõt kūzõz Bosnijs um 63 m pitkit. Tõv diamētõr um 5 m sōņõ. Kūzõz kāndatõb jõvīst vaŗŗõ ja kīlmõ bet tämmõn um vȯlmizt jõvvõ mūldõ. Kūzõ käbīd āt 9–17 cm pitkād, missõs sizzõl kazābõd mustād 5 mm pitkit sīemgõd.
Kūzõ nõggõld āt 12–24 mm pitkit dumā-aļļõd ja nēļa-nūrkaliz mūoḑkõks. Līvlizt um alz radļõnõd väggi pǟgiņ kūzõzt, sīestõ ku se um jõvā eitimiz-materiāl, sīestõ vaļmõstõbõḑ sāinidi, pȭrandidi, ukši ja läbdi. Kūzõ-pūst teitõ ka spēļ-ažḑi nemē kāndlidi ja fijūoļḑi. Sīepierāst ku kūzõ pū äb lask laskõ vietā lebbõ um tǟnda kȭlbatõd jūomiz-rīstõd tīemizõks.
Kūzõz um irdi taļžpivād-pū Leţmōl ja amās amā mōīlmas. Īžkist New York jālgabs um taļžpivād-pūks īdkȭrdali kūzõz, mis tūobõd sīezõ Norvēgmōld.
Pūd
bumbīerpū
| jougūz
| gadāg
| kastoņ
| kīndapū
| kūzõz
| kȭvaz
| ōbõz
| pappõl
| piedāg
| pīlgõz
| plūmpū
| pūompū
| pǟrna
| sǟrna
| tarāb
| täm
| umārpū
| vōḑõr