Wp/kus/John Frimpong Osei

John Frimpong Osei (Ba da du'a o nɛ 5 dawalig nwadig 1971) o anɛ Ghana pɔlitis nwɛ’ɛd onɛ an Wadmaani paas Ghana wadmaanib yikanɛ paasi ayɔpɔi nɛ anii , Ghana Republic kanɛ paasi anaasi la ni tis Abirem Constituency n bɛ Eastern Region sʋ’ʋlim la. O anɛ wabʋg Na’adɔɔg la nid.

John Frimpong Osei

human

Sex or gender	male
Country of citizenship	Ghana
Given name	John
Date of birth	5 March 1971
Languages spoken, written or signed	English
Occupation	politician, consultant
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University of Ghana, University of Ghana
Member of political party	New Patriotic Party
Religion or worldview	Christianity

On si’iŋ si'em nɛ o sakur yɛla

Ba da du’a John Frimpong nɛ Akim Ntronang bɛ Eastern Region, Ghana. John Frimpong da paami o Middle School kasɛtta gbaʋŋ nɛ yʋʋm tusir nɛ kɔbiswai nɛ pisnii nɛ ayuobʋ. Din nya’aŋ ka o maali o Ordinary Level yʋʋm tusir nɛ kɔbiswai nɛ piswai nɛ yinne (1991) la ni nɛ Advanced Level yʋʋm tusir nɛ kɔbiswai nɛ piswai nɛ atan' (1993). John Frimpong da tɔlisi maal Bachelor of Arts (Geography Resource Development) yʋʋm tusir nɛ kɔbiswai nɛ piswai nɛ anii (1998) nɛ M.PHIL (Micro Finance Geography) yʋʋm tusa ayi' nɛ anaasi la ni (2004) University of Ghana, Legon –Ghana.

O tʋʋma yɛla

John Frimpong da anɛ manager tis O-M Finance and Business Service Limited yʋʋm tusir nɛ kɔbiswai nɛ piswai nɛ awai (1999) ti paae yʋʋm tusa ayi' nɛ pisi (2000), o da lɛn anɛ special assistant tis Ministry of Finance and Economic Planning nɛ sakur ken yɛla nɛ dasam nɛ pu'asada nɛ Bɔɔl nwɛ'ɛb ninwisigir yɛla yʋʋm tusa ayi' nɛ ayi' la ni (2002) ti paae yʋʋm tusa ayi' nɛ anu (2005). John Frimpong yʋ’ʋn anɛ Wadmaan, tis Abirem Constituency sʋ’ʋlim dim.

Pɔlitis nwɛ'ɛb yɛla

John Frimpong da dii (Abirem Constituency) bɛ Eastern Region kʋk la yʋʋm tusa ayi nɛ piinɛ ayuobʋ 2016 Ghana wʋsa vɔɔtʋg la. O da zi’enɛ Wabʋg Na’adɔɔg la zugʋ di ka kpɛn’ Wadmaanib yikanɛ paasi ayɔpɔi la Ghana Republic kanɛ paasi anaasi la ni nɛ vɔɔt tusa pii nɛ awai nɛ kɔbisyi' nɛ anii (19, 208) ka li an pisyuobʋ nɛ yinne kɔbʋg pʋʋgin (61.0%) ka  Mavis Ama Frimpong onɛ an Ma’asim tiig Na’adɔɔg nid la paam vɔɔt kal tusa pii nɛ ayi' nɛ kɔbisyi’ nɛ pii nɛ ayɔpɔi (12,217) ka li an pistan' nɛ anii du’al anii kɔbiga pʋʋgin (38.8%). O da lɛn di yʋʋm tusa ayi' nɛ pisi, 2020 kanɛ da an Ghana wʋsa vɔɔtʋg la. O da zi’enɛ Wabʋg Na’adɔɔg la zugʋ keŋ paas Ghana Wadmaanib yikanɛ paasi anii la Republic kanɛ paasi anaasi la nɛ vɔɔt tusa pii nɛ awai nɛ kɔbʋga nɛ pisnu nɛ yinne (19,151) ka li an pisnu nɛ anu du’ali ayi' kɔbʋg pʋʋgin (55.2%) ka Mavis Ama Frimpongonɛ an Ma’asim tiig Na’adɔɔg nid la paam vɔɔt tusa pii nɛ anu mɛ kɔbiga nɛ piiga (15,110) ka li an pisnaasi nɛ atan' du’ali anu kɔbʋg pʋʋgin (43.5%).

La’asbanɛ ni ka o tʋm

John Frimpong da anɛ kʋkdaan tis la’askanɛ gɔsid diib nɛ kuob nɛ gʋ’ʋl nɛ Kooko yɛla la. O da paas Privileges Committee la ni.

Mɛŋ bɛlim

John Frimpong anɛ Kristo biig

O tʋʋmsʋma sʋŋir yɛla

John Frimpong nɔk 100 pieces of street bulbs tis ye di sʋŋi gu’ ninkʋʋr yʋ’ʋŋ-yʋ’ʋŋi o sʋ’ʋlim la. John Frimpong pa’al ye, labaar paae o ye Nwadis banɛ gaad la yʋʋm tusa ayi' nɛ pisi la nɛ yʋʋm tusa ayi' nɛ pisi nɛ ayi' (2022), ba da kʋ gɛɛn pu’ab ka nwaae ba niŋgbina zin’isieba ka di pa’al ye ba kʋʋdnɛ dit tiim.

Ya’an piinkanɛ ka o di’e

John Frimpong da di’e piini yi United Clergy International Association (UCIA) dim la ni yʋʋm tusa ayi' nɛ pisi 2020 la ni, Hall Of Fame Award For Excellence In Leadership by United Clergy International Association (UCIA) dinɛ da paas pii nɛ yinne (11th edition) da maal All Nations University la ni yʋʋm tusa ayi' nɛ pisi Nwadisa anii la daba anii daar (8 mɔtul nwadig 2020).