Wp/kus/Bawku Youth Parliament

< Wp‎ | kus
Wp > kus > Bawku Youth Parliament


Bawku Youth Parliament anɛ dasam nɛ pʋ’asada la’asʋg kanɛ bɛ BawkuUpper East Region, Ghana. Ba pin’ilya ka di yuug ka dasam nɛ pʋ’asada la’asidi gban’ad gban’abanɛ na sʋŋ ka temmaalʋg kena.

Bawku Youth Parliament
youth organization
CountryGhana Dɛmisim gbɛlima
Headquarters locationBawku Municipal District Dɛmisim gbɛlima

Youth Parliament nwa anɛ dasam nɛ pʋ’asada banɛ bɛ Bawku zin’is kɔn’ɔb kɔn’ɔb la’as taaba, ka barigaŋ ka’asigɛ ka nɔŋgbannwa’ar mɛ ka’asigɛ, asɛɛ sɔnsbanɛ mɔr nɔɔryinne nɛ temmaalʋg ma’aa.

MCE pʋ’ʋsʋg edit

Bawku Youth Parliament dim pʋ’ʋs Mr Amadu Hamza ye o zusʋŋ, nɛ Zuraan Nana Akuffo Addo gaŋ o ye lieb Bawku Municipal Chief Executive (MCE) paal tis Bawku sʋ’ʋlim wʋsa.[1]

Dasam nɛ pʋ’asada la, sɔb gbaʋŋ kanɛ ka Mr Abdulai Majeed Wintimah tik ka yisi tis GNA Bawku pa’al ye "nidib la bas MCE la suor si’em la pa’al dunia la nɔɔryinne kanɛ ka Bawku dim mɔr la’anɛ daʋŋ kanɛ bɛ nidib la sʋʋgʋn la.

"Di pa’al ye nidib la nɔki ba ti’iri niŋ Mr Amadu Hamza ka pʋ’asada nɛ dasam la nɛ Bawku dim wʋsa niŋ yadda ye o anɛ onɛ bɔɔd temmaalʋg onɛ on da tʋm si’em yʋʋmbanɛ gaad la. Ba ye bi’esʋg kae ye zuraan gaŋir la anɛ nidib la wʋsa bɔɔdim nɛ Municipality la nɔbigir yɛla".

Ban sɔsid Wina’am tisid MCE la, dasam nɛ pʋ’asada la pɛsigi ba mɛŋ ye ba sʋŋ o ka temmaalʋg ken’ Bawku MunicipalUpper East wʋsa na.[2]

Wadmaan tiakir edit

Bawku dasam nɛ pʋ’asada ye Wadmaankanɛ bɛ la zi’enɛ tis constituency la wadmaannib yin vɔɔtʋg anaasi banɛ gaad la ka ba zɛrig o hali ye gʋ’ʋŋnɛ ka pʋ nyaŋi mɔr temmaalʋgʋ ken sʋ’ʋlimin la naa, la’anɛ on da tʋm minister kɔn’ɔb kɔn’ɔb tʋʋma, gɔmena kanɛ gaad la. On pʋ maal si’el la kɛya ka dasam nɛ pʋ’asada banɛ bɛ constituency la sunf san’am hali ka ba zi’ ban na maal si’em ka bɔɔd tiakir.[3]

Nɛ’ zug ka dasam nɛ pʋ’asada banɛ bɛ Bawku Central constituency la ied tiakir ye ba paam wadmaan kanɛ na tiak constituency la ka mɔr temmaalʋg ken’ sʋ’ʋlimin nɛ nɛ tɛɛnsbanɛ kpi’e di.[4][5]

Gbanvɛɛnsa edit

  1. http://businessghana.com/site/news/politics/248629/Bawku-youth-Congratulates-new-MCE
  2. https://www.ghanabusinessnews.com/2013/09/10/bawku-youth-rejoice-over-rejection-of-mce/
  3. https://norvanreports.com/its-time-for-a-change-say-the-youth-of-bawku-central-constituency/
  4. https://web.archive.org/web/20230927202629/https://www.ghanaweb.com/advertising/newsreleases/Youth-in-Bawku-Central-Constituency-Demand-Change-and-Development-70667
  5. https://ghananewsonline.com.gh/we-can-only-secure-parliamentary-seat-if-there-is-a-change-bawku-central-constituency-demands/