Рабият Осаева 1978-нчи йылда Къумукъ театрны белгили артистлери Байсолтан ва Тотуханым Осаевлени агьлюсюнде Магьачкъалада тувгъан. Дагъыстан пачалыкъ педагогика институтну янындагъы физика ва математика школаны битдирген. ДГПУ-ну физика-математика факультетинде охугъан. Рабият Осаева Дагъыстан пачалыкъ университетни культура факультетинде актёрлукъ бёлюгюн де битдирген. Сонг Москвадагъы ГИТИС-де режиссёрну факультетинде охугъан. Режиссёрлукъ касбугъа ес болгъан сонг Рабият Осаева Къумукъ театрда А. Атаевни пьесасына гёре «Ташбике», Ж. Токъумаевни «Чунайны тою» ва башгъа спектакллер салгъан. Рабият Осаева Дербентдеги азербайжан театрда да бир вакъти режиссёр болуп ишлеген.