Насрутдин Илмутдин Насрутдинни уланы (Насрутдинов Илмутдин Насрутдинович) — тувгъан 1910 йылда Къакъашура юртунда. Ол гиччилей атасы оьлюп, ишге тез гиришген ва чыныкъгъан. 1936-1938 йылларда ол Темир-Хан-Шура (Буйнакск) шагьардагъы 6 айлыкъ курсланы битдирген ва бухгалтер болуп ишлеген. Сонг ол «Коминтерн» колхозну раиси болуп ишлеген. 1940 йылда давгъа гетген. Давда ол байлавчу болуп къуллукъ этген. Давдан ол «Красная звезда» орден ва кёп медаллар алып къайтгъан.
Къарабудайгент район райкомземде, сонг юрт советни раиси болуп ишлеген. 1951-1955 йылларда Илмитдинни Паравул юртундагъы колхозда раис болуп ишлеген. 1955 йылда Къакъашура юртунда «Сталин» («ХХII партсъездни») колхозну раиси болуп 30 йыллагъа ювукъ ишлеген. 1971 йылда колхоз «Ленин Орденина» ва ССЖБ-ни (Совет Сосиялист Жумгьуриятланы Бирлиги), Дагъыстанны кёп санавдагъы къызыл байракъларына ес болгъан. Насрутдинов Илмутдин «Сосиалист загьматны игити» деген атгъа ес болгъа, «Ленин Орден» тапшурулгъан. Ол кёп санавдагъы орденлер ва медаллар булан савгъатлангъан.