Гьамзат Мугьаммат-Гьанапи – 28-нчи июлда 1978-нчи йылда Къарабудагъгент районну Паравул юртунда тувгъан. Орта школаны ва ерли медресени яхшы къыйматлагъа битдирип, 1992-нчи йыл Дамаскдагъы университетге охумагъа тюше. 2003-нчю йыл ислам дин илмудан шо университетни аспирантурасын да оьр къыйматлар булан тамамлай. Дагъыстангъа къайтгъанда, «Сафар» межитни имамы болуп белгилене. Магьачкъаладагъы ислам университетни аспирантурасында да дарслар юрюте. Дагъыстанны муфтисини заместители болуп да чалыша. Агьлюсю булан бирче 7 авлетин оьсдюре.