Гьамзат Гьамзатов 1938-нчи йылны 25 августунда Магьачкъала шагьарда тувгъан. Асгер къуллугъун кютген сонг, ол 1970-нчи йылда Ленинград сув геме институтну тамамлай ва 1974-нчю йылда Дагъыстанны энергосистемасында ишлеме башлай. 1983-нчю йылда «Дагэнергону» директоруну заместители этилип белгилене. 1993-нчю йылда «Дагэнерго» деген акционер жамиятны директору бола. 1999-нчу йылда Гьамзат Гьамзатов Россияны инженер академиясыны герти члени бола. Шо йылда ол Дагъыстан Республиканы Пачалыкъ Советини члени этилип белгилене. Уьлкебиз учун этген ишлери саялы огъар академик деген ат бериле. Ол Дослукъ деген орденни ва кёп санавдагъы медалланы кавалери.