Wp/kum/Бугълен

Бугълен, яда Бувлен — Дагъыстанны Бойнакъск ягъында къумукъ юрт.

Жугърафи ерлешивю

Гьимри тавлар тюбюнде, Бугълен-оьзенни ягъасында, Бойнакъск шагьардан къыбла-гюнтювуш янына багъып 8 чакъырым арекде.

Адам санаву

2017-нчи йылдагъы гьисап алывгъа гёре — 2077 адам.

Таза къумукъ юрт.

Тарих

Бувлен юрт (ягъындан агъагъан Бувлен-оьзенни атындан) XVII асруну башында Тёбен Къазаныш юртдан чыкъгъан Гьайдарбек бийден башлангъан.

Белгили адамлары

• Хасай Али Къылыч Мугьамматны уланы Бугъленли — къумукъланы къагьруманы, Дагъыстан тюгюл тыш пачалыкъларда да машгьур болгъан тутушуп ябушувчу.
• Хизри Шихсайит — Совет ва Русиядагъы пачалыкъ чалышывчусу, Дагъыстан Республиканы Халкъ Жыйыныны юрютювчюсю.

Байланывлар

1. Яндекс харитада Бугълен
2. Бугълен ва ону тарихи
3. Русияда 2010-нчу йылда гьисап алыв.