Meččä on paikka, jošša kašvau puita ta aluškašviloita. Šuomen ta Karjalan mečät ollah piäašiešša havu- ta lehtimeččie, onnakko šuvempana on niise muita meččie. Šajemeččie on molommin puolin ekvatorija.
Šuomelaisešša meččätyyppiopissa mečät juatah kolmeh joukkoh: kuiva kankaš, tuoreš kankaš ta lehto. Kuivilla kankahilla valtapuu on mänty, i ylehisiä aluškašviloita ollah puola, kanarvo ta jäkälä. Tuoreš kankaš on koštiempi, a šielä kašvetah muššikka, oravanmarja ta kisličča ili jänönleipä. Valtapuu on mänty tahi kuuši, muašša on äijä šammalie. Lehoissa kašvillisus on tuakein: šielä kašvetah tammi, lehmuš, vuahteri, pähkinäpenšaš, tuomi ta monet muut. Lehto voi olla niise havumeččyä. Aluškašviloita on enämpi kuin muissa meččätyypeissä.