စံင်မံင်ထုင်းယိုဝ် မွာဲဝေ့ဍး ခါန်ႋမျေန်မာ၊ ဖၠုံထီ့ခါန်၊ ကောဝ်တြာ်ခြိုင့်၊ လာ့တ်ုကဝ်သၞေဝ်ဖါဍောဟ်ဍုံကၞင့်ဍုံကၞင့်ဖိုင် တ်ုဝါန့်လ်ုဖၠုံး ဆေဝ်ႋလှ်။
| စံင်မံင်ထုင်း | |
|---|---|
| ခါန်ႋပ်ုယင်ဖိုင် ဍုံသယ်လ်ုဖး | |
 | |
  စံင်မံင်ထုင်း | |
| ကိုဝ်အဝ်တ်ုဏိင်: 16°03′04″N 97°54′25″E / 16.05111°N 97.90694°E | |
| ထီ့ခါန်ႋမိင် |
 ခါန်ႋပ်ုယင် |
| ထီ့ခါန်ကၞင့် |
 ဖၠုံထီ့ခါန်ႋ |
| ခြိုင့် | ကောဝ်တြာ်ခြိုင့် |
| ဍုံကၞင့် | လာ့တ်ုကဝ်ဍုံကၞင့် |
| ခိင့်ခါ့ရာမ့်လင်ႋ | ခါန်ႋပ်ုယင် အ်ုခါ့ (UTC+ ၆ နာႋဍီ ၃၀ မိဏေံ) |
အေၯံင်ဍဝ် တ်ုဝါန့်ၮါင်ၰံင်ဝှဝှၮှ် အှ်ဝေ့ဍးလ်ုယာင်လ်ုၜုဂ် ခၠိုင့်တ်ုဝါန့်၊ တဝ်တဝ်ဏါင်တ်ုဝါန့်၊ ဍုံလီတ်ုဝါန့်၊ ပူႋလိင်တ်ုဝါန့်၊ ဏံင်းတာင်ဓံင့်တ်ုဝါန့်၊ ဍိုင်လောဟ်၊ တၟိုဝ်ဝါန်ႋ၊ ထီ့ဖေါဟ်ဏါင်ႋတ်ုဝါန့်သီးမလ်ုကာ၊ ထုဲးမင်ထောဝ်၊ ကဝ်ႋက်ုသံင်ႋ၊ တံင့်တီ၊ ကၠိုင်ထ်ုဝံင့်၊ ဖါ့ပၠတ်ုဝါန့်သယ်လ်ုဖးယိုဝ်သီ အှ်ဝေ့ဍးဆေဝ်ႋလှ်။ လင်ႋခါင့်စူးထွဲခဝ့်ဏှ် လ်ုခၠိုင့်တ်ုဝါန့်အ်ုဆုဂ် အှ်ဝေ့ဍး ကၠံင်တံင်တြိ ဆေဝ်ႋလှ်။ အေၯံင်ဍဝ် သီးတုဂ်၊ ဘာႋဆေါတ်ထဝ့်၊ သုဂ်ထၟုင်ႋလင်ႋဌာန့်၊ က္တုက်ဖါဍောဟ်၊ သီးက္တုက်၊ ယွာႋလေါတ်ကိုဲပြိုင်၊ ဖျာ့ဖါဍောဟ်၊ ဆ်ုဖှ်ေလင်ႋဆ်ုသုင်းပညာ့တုဂ် သယ်သီး အှ်ဝေ့ဍးဆေဝ်ႋလှ်။ လ်ုတ်ုဝါန်ႋဍွယ်ဍဝ် ဏံင်းစံင်မံင်ထုင်းဏှ် အှ်ဝေ့ဍး လ်ုတ်ုကဝ်အွာ ဟ်ုကောဝ် (ပဒုမ္မာကြာ) ဏှ်ဆေဝ်ႋလှ်ၯံင် အှ်ဍာ်ဝေ့ဍးလ်ုသိင့်၊ မ်ုလေဝ်ႋသိင့်ထံင်းလ်ုဖးဏှ်ဆေဝ်ႋလှ်။ မ်ုလေဝ်ႋသိင့်ထံင်စူးစှ်ေ ဖိုင်သာဖာဍောဟ်ဏါင်ဏှ် အှ်ဝေ့ဍးလ်ု ပဝ်ႋလိက်တုဂ်၊ ဖိုင်သာဝှါႋဏှ် စံင်မံင်ထုင်းဘာႋမူႋနုက်အှ်ဝေ့ဍးဆေဝ်ႋလှ်။ လ်ုမေံထါခေါဟ် အ်ုၜုံဆိုင် ၃မါင်ႋဏှ် ဝါန်ႋရဝ်ယှောဟ် ခၠေါဟ်အှ်ၯံင်း ခင်းထါ်လာခဝ့်ဍဝ် တင်ႋညိဝ်ခေါဟ်လံင်ၯါင့်အှ်ဝေ့ဍးဆေဝ်ႋလှ်။ စူးၰိုဝ် ဟ်ုကောဝ် (စူးထွဲ)ခဝ့်ဏှ် အှ်ဝေ့ဍး ဖါ်ၜိင်းကံင်သိုဝ်ဖျာ့၊ အင်းအဝ်ဖျာ့၊ လင့်မှ်ခြေီခြာ့ဖျာ့၊ သီးတုဂ်ဍေ ကၠါင်တါ်စင်ဖျာ့သယ်သီး အှ်ဝေ့ဍာ်ဆေဝ်ႋလှ်။