Wp/kiu/Musewitêni
Musewitêni (İbraniki: יהודים, Yehudim) jü diyaneto. Ebe kelımunê Musewitêni, İbrani, Musewi u İsraili dinê Hz. Musay rê vajino. Dinê Hz. Musay rê, dino ke jü Heqi ra, owo ke tewr pak, tewr teynaro, vajino. Musewitêni tek teyna nê jü mezhebo, nê jü mıleto, nê ki jü mıliyeto moderno. Ewro dina de des u phonc (15) milyon mordemi ho Musewi vêneno u qewıl keno.
Tewrate Hz. Musa rê ama u kıtabê Musewitênio. Gorê dinê Musewitiun teyna dinê Yahudiuno. Keso ke ma u piyê ho Yahudi niyo, nêşikino Yahudi bo. Yahudiyêni, Yahudiun rê hem din hem ki mıliyeto. Qomê Yahudiun, jü "qomo rez u vêznaê Heqi"o. Heqi no qom qey ho ra xeleqno. Heqi, heq u wezife do no qomi ke riyê hardi sero mıletunê binun idare bıkero.
Qurane de bile qomê Yahudiu jü qomo rez u vêznae yeno qewıl kerdene. Qurane de nia vajino: "Ad bo ke ma kıtab, hukım u pêxamberêni dê Benê İsrailiu. Ma i be rızqo de rınd ra kerdi weye u ma i alemu ra kerdi berzêr." Hardê Yahudiu (Benê İsrailiu) jü hardo mıqedeso ke Heqi no qomi rê wed (bexş) kerdo. Hardê İsrailiu (Diyarê Kenani) "hardo wedkerde"o. Şindorê na hardê wedkerdey Çhemê Nili ra reseno hata Çhemê Ferati.