خوش بیگیم ( English: Khush Bigim) کھوار زبانو ای بو شیلی لوک گیت شیر۔[1] ہیہ لوگ گیت نہ صرف چھترارا بلکہ سفی گلگت بلتستانہ مشہور شیر۔ نوغ زمانو شاعران دی ہیہ ہنگو بو خوشینیان وا ہیہ ہنگا پھونک څیقار گنی لیلوٹہ پت سفو خوش۔[2]
خوش بیگیمو بارا تفصیلی لو edit
ملکی آمان میتارو 41 ژیژاو استانی۔ہتو آخری ژاوو نام چہل دیک آمان اوشوئے۔ وا ہو موژار نیسیرو چہل دیک آمانے نامو سار مشہور۔ ای خاص تحقیقو مطابقہ ملک آمانو ہے 41 ژیژاوان موژاری ای ژاوو ژاو آمان اوشوئے۔ لیکن فی الحال ہیہ بابتہ سہی معلومات ملاو نو بویان۔ وا کہ بویان دی بو کم ملاو بویان۔ مگم وادئ گولاغموڑی غذرار تعلق لاکھک نامور شاعر و ادیب جاوید حیات کاکاخیل تان ای خاص تحقیقہ ہیہ نشانو دویان وا ران کہ خوش بیگیمو تتو نام حاجی رحمت اوشوئے وا ہس اسقامینو موکھے قامار اوشوئے۔ وا خوش بیگیمو موشو نام خوش دور۔ وا خوش دور گولاغموڑی وادیو شوکھائے قامار اوشوئے۔ خوش بیگیمو خوش دور نامین ای ژاو وا قیمت نساء نامین ای ژور غذرا ہنیسے دی آباد اسونی۔ کیہ وت کہ خوش بیگیمو خوش دورو سم خطبہ ارینی ہے وختہ خوش بیگیمو عمر ۱۱ سال وا خوش دورو عمر 20 سال اوشوئے۔ خوش دور غذرو گل حیو حاکمو دورا دہقان اوشوئے ۔ چونکہ آمان میتار میر ولیو مصاہبانن موژار اوشوئے، امان تان دی خوش وختے اوشوئے۔ متار سرفی ہے پورنا امانو ارمانو پورا بیکو نو لاکیتائے۔ ہتو لووا بیتی علاقو شیلی حاکم امانو خوشو زورئین تان ای دہقانوتے دیکو بش اریر۔ ہے وجہین امان ہموش ران کہ
گوہر امان بو دش موش اوشوئے سیکھان آریر درانو
گوہر آمانو ہمی ژیژاو عشقو کونیان بو پرانو
خوش بیگیم غذریکان ژور edit
خوش بیگیم اصلا گلگت بلتستانو ضلع غذرو ای شہیلی دیہہ گولاغموڑیو ای شہیلی کمورو نام شیر۔ ہیہ کومورو تان حسن اوچے شہیلیہ تان مثال تان اوشوئے وا شہیلیہ ہورو بہکی کا دی نو اسیتانی۔ خوش بیگیمو تعلق اصلا غذرو موکھے قامار اوشوئے وا گولاغموڑیا ہس موش وینی استائے۔ ہورو موشو نام خوش دور۔ خوش بیگیمو ای ژاو محمد دور نامین، وا محمد دورو اژیلی ہنیسے دی زندہ اسونی وا خوش بیگیمو تان روژایو دی اکھابیر بتی اسور۔ خوش بیگیمو ای پھولوک ژور قیمت نساء نامین ہتو اولاد دی غذرا تان آباد اسونی۔
آمانو خوش بیگیم edit
آمانو تعلق اشقامینار اوشوئے وا ہس کو کیہ کورمہ غذرا گیتی خوش بیگیمو سم ہردی چاکیتائِے۔ کندوری دفعہ ہو سزا دی پرانی مگم ہس خوش بگیمو عشقہ غذرا تان ہل بک جام جوشیتائے۔ ہس خوش بیگیمو عشقہ کندوری ہا کڑوم نیزی اسور۔ وا ہورو کڑوم پورا چھترارا و گلگت بلتستانہ مشہور شینی وا شاعران ہمی ہنگان بو خوشینیان۔
خوش بیگیمو ای کما کڑوم ہمی قسمہ شینی؛
خوش بیگیم غیرزیکان ژور غذر قلاہوران بازار؛
کو کیہ جلاتن لوا مہ خوش بیگیم مہ سار ازار
ہائے بے خیر دنیا شم دنیاو حال ہمونی
آمان تہ عشقہ لہاز مدام مہ ہردی چھامونی
کارا کہ تا کیڑینیان تان مقصدی نہ تارونی
آمانوت ویز رینیان خوش بیگیمو شا ژورونی
آمانو ای ژو کاڑوم edit
آمان تان خوشو عشقہ بو شیلی شیلی بشاونو نیزی کھوار خوش دراکانتے تا قیامت پیڅھی بی اسور[3]۔ ای جو کڑوم ہیہ زائلہ شینی۔
ہائے ہائے بے وفا دنیا زمانہ بو غاک بیرائے
ای پھت پھتو حصان ای پھتو تے دیاک بیرائے
مہ غون غریبانن مہ اللہ ستھاک بیرائے۔
یائے بے وفا دنیا ہمو اچہ نو چوکیکو
کھشتی ژندان بارئے قلمدار بیتی کوسیکو
نیتی روچی گنی تان دینارو ای پوشیکو
خوشپہ تان خوشو پوشی تیغار ڑوسپی نو نیسیکو
بیریو جوڑ edit
گواہی جوڑ edit
- ↑ https://soundcloud.com/navnag/khush-bigim
- ↑ https://www.youtube.com/watch?v=GUNsAJ7J0W4
- ↑ https://www.song.mastmuzic.com/download/185043095/khush-bigim.html