Wp/kge/Huruf Kumoring

Huruf Kumoring atau Aksara Kumoring joda da aksara tradisional khas Suku Komering di Sumatera Selatan, aksara Komering sa joda aksara say dipangaruhi ruwa aksara say uwat di hulu pulaw Sumatora joda Aksara Lampung rik Aksara Ogan sehingga tibontuk da aksara Komering sa.

Huruf Komering
Huruf Kumoring

Gambar Kata Hurup Komering sai titulis dilom huruf Komering
Basa	Kumoring
Arah Penulisan	Kiri guk Kanan
Jenis Huruf	Abugida
Pencipta	Jolma Komering
Status	Lokok dipakay sebagiyan ronik masyarakat Komering
Periode	?-Ganta
Unicode	Makkung ka di Unicode

Sajarah

Aksara Komering dipakay di zaman samakkung Islam kuruk guk Bumi Komering, saradu Islam kuruk masyarakat Komering kok lamon makay Arab Melayu Jawi sabagay tulisan. Aksara Komering munih tipakay di zaman Balando anjajah, isi na tentang strategi porang ngalawan Balando. Aksara Komering waktu sina mak sabasing jolma panday ngaliak, nulis, rik ambaca na tirabaiko bukhianat guk Balando.

Bentuk

Bontuk huruf Komering sa lobih rodik guk Huruf Ogan jak pada Huruf Lampung, say dipa uwat huruf imbangan na say makka di huruf Lampung. Radu sina lamon bontuk-bontuk huruf barih na say kok panday ticawako kakak-baradik rik huruf Ogan.

Asal Mula

Tiparkira ko huruf Komering sa mak sajawohan ga lahir na jak huruf Ogan, ngingok ko pocak na say goh-goh. Tahun say pasti na makkung ka say panday, tahun pira nihan huruf Komering sa muncul. Aksara Komering sa tiparkira ko partamo kali titulis di daerah Komering Tongah, pasal na lokok lamon bukti say panday tiliyak rik tijadi ko acuan, walaupun tiap tiyuh bontuk na sumang-sumang, man tiliyak ko di Komering Ilir makka tulisan sapoja sa, sapona munih di Komering Ulu say cutik peninggalan tentang Aksara Komering sija sa.

Gambar

• 
  Bontuk Huruf Komering
• 
  Aksara Komering Mendayun