Wp/jax/Tempoyak

< Wp‎ | jax
Wp > jax > Tempoyak

Tempoyak atau Tempuyak adolah bahan masakan yang terbuat dari buah duren. Duren yang dipakek adolah bagian dagingnyo dan difermentasi. Raso dari tempoyak ko adolah asam yang nyengat.[1]

Sejarah edit

Namo tempoyak sebenarnyo berasal dari caro pengolahan tempoyak itu dewek, yaitu dengan dipoyak atau dikoyak-koyak. Bahan sikok ni petamo kali dipercayo sangat disukoi oleh masyarakat Melayu, dan hal iko dikatokan oleh Hikayat Abdullah pado tahun 1836.[2]

Tempoyak jugo dipercayo sebagai bahan untuk makan yang dapat menaikkan nafsu makan. Daerah yang tau tempoyak iko adolah Sumatra samo Kalimantan.[2]

Daerah yang banyak manfaatin tempoyak adolah Jambi samo Sumatra Selatan. Waktu panen duren di Jambi, banyak orang yang ngejual duren. Karano lagi musem duren, buah-buah yang belebih tu dimakan dewek dan jugo dibuat tempoyak.[3]

Caro Membuat edit

Tempoyak adolah bahan masakan yang berasal dari duren. Buah duren yang dipakek pun duren yang matang dan jugo ditambah garam.[2]

  • Pisahin duren yang matang dari bijiknyo.
  • Masukin daging duren ke dalam toples yang udah bersih.
  • Tambahin garam dikit lalu tutup yang rapat.
  • Tunggu sampe seminggu. Kalau udah seminggu, bukak tutup toples dan aduk tempoyak di dalamnyo.
  • Tempoyak udah biso dimakan.

Masakan dari Tempoyak edit

Beberapo masakan yang biasonyo dicampur dengan tempoyak adolah:

  • Brengkes atau pepes tempoyak[1]
  • Sambal tempoyak[2]
  • Sambal tempoyak samo ikan bilis[2]
  • Tempoyak udang pete[2]
  • Pindang tempoyak ikan patin[2]

Daftar Pustaka edit

  1. 1.0 1.1 Andi Annisa Dwi Rahmawati (28 Oktober 2016). "Tempoyak, Fermentasi Durian dengan Aroma dan Rasa Asam yang Menyengat". detik.com. Diakses pada 7 Mei 2021 .
  2. 2.0 2.1 2.2 2.3 2.4 2.5 2.6 Ani Mardatila (15 September 2020). "5 Cara Membuat Tempoyak yang Lezat, Mudah, dan Praktis". merdeka.com. Diakses pada 7 Mei 2021 .
  3. Nine Fridayani (8 Juli 2020). "Mengenal Durian Fermentasi Orang Melayu, Tempoyak". kompas.com. Diakses pada 7 Mei 2021 .