Wp/jax/Taman Nasional Siberut

< Wp‎ | jax
Wp > jax > Taman Nasional Siberut

Taman Nasional Siberut atau TN Siberut adolah taman nasional yang berado di Pulau Siberut, Kabupaten Mentawai, Sumatera Barat, Indonesia. Luas taman nasional ko adolah sekitar 400.000 ha.[1]

Sejarah edit

Taman nasional ko diitetapkan pado 8 Oktober 1993 samo Menteri Kehutanan melalui KepMenHut No. 407/Kpts-II/1993, dan siso dari Kepulauan Mentawai yang meliputi lokasi AZE-Sipora dan Pulau Pagai ko masih belum dilindungin.[1]

Sebelumnyo pado tahun 1981, Pulau Siberut ditetapin sebagai cagar biosfer melalui proyek mand and biosphere UNESCO. Hutan hujan yang ado di dalam bagian TN Siberut ko menyelimuti hampir 65% dari Pulau Siberut.[2]

Tipe Ekosistem edit

Dari data pengukuran planimetris dan jugo peta hasil interpretasi citra satelit (LIPI, 1995), hutan di Siberut tediri dari:[1]

  • Hutan primer sebesar 76%
  • Hutan sekunder yang udah dieksploitasi sebesar 6,5%
  • Hutan rawa sebesar 5%
  • Belukar di daerah dataran sebesar 5,97%
  • Lahan pertanian sebesar 4,53%

Ado setidaknyo tujuh tipe ekosistem di Pulau Siberut ko dengan berbagai jenis floranyo, yaitu:

Hutan primer dipterocarpaceae edit

Hutan ko berado di daerah tinggi dengan bukit-bukit dan ado sekitar 81 spesies dan 59 genus.[1]

Hutan primer campuran edit

Biso ditemuin di lereng-lereng dan jugo bukit yang lebih rendah dibandingkan hutan primer Dipterocarpaceae. Famili yang banyak dijumpai pado hutan primer campuran ko adolah Euphorbiaceae, Myristicaceae, Dilleniaceae, Dipterocarpaceae, dan jugo Fabaceae.[1]

Hutan sekunder dipterocarpaceae edit

Hutan sekunder iko merupokan hutan dari regenerasi bekas tebangan beberapo perusahaan kayu yang pernah ado di Siberut. Wilayahnyo dewek ado di bagian utara, selatan, timur trema dan jugo neolamarkis.[1]

Hutan rawa air tawar edit

Tipe hutan ko tedapat banyak Terminalia phellocarpa. Biasonyo hutan mode ko ado di lembah-lembah dan jugo sekitaran aliran sungai sehinggo menjadi lahan basah dan paling luas ado di pantai timur. Floranyo yang mendominasi yaitu palem, bulu rotan, pandan, dan jugo aroid.[1]

Hutan mangrove edit

Hutan mangrove ado di sepanjang garis pantai dan pulau-pulau yang ado di pantai timur. beberapo daerah yang punyo hutan mangrove paling besak yaitu Teluk Katurai, Saliguma (Siberut Selatan), Cimpungan, dan jugo Pokai (Siberut Utara). Di hutan iko, Rhizophora merupokan genus utamo yang tesebar di Pulau Siberut ko.[1]

Hutan rawa sagu edit

Di hutan rawa sagu ko, ado duo spesies sagu yang bebeda, yaitu Metroxylon sagu dan jugo M. rumphii. Sagu-sagu yang ado di hutan ko perkembangannyo cepat bahkan biso mencapai 12 meter dalam waktu 8 tahun bae dan biso tumbuh sampe ketinggian 18 meter. Hal iko merupokan keadaan sagu yang lebih tinggi dibandingkan dengan daerah-daerah lainnyo.[1]

Hutan pantai edit

Sesuai dengan namonyo, hutan ko berado di sepanjang pantai barat Siberut. Spesies yang biaso mudah ditengok adolah Casuarina equestifolia, Baringtonia sp, Hibiscus tiliaceus dan jugo Pandanus sp.[1]

Daftar Pustaka edit

  1. 1.00 1.01 1.02 1.03 1.04 1.05 1.06 1.07 1.08 1.09 tfcasumatera. Taman Nasional Siberut dan Kepulauan Mentawai. Diakses pada 18 November 2021.
  2. media.neliti. Upaya Penyelesaian Masalah Pemantapan Kawasan Hutan pada Taman Nasional di Pulau Sumatra. Diakses pada 18 November 2021.