Orangutan Sumatra (Pongo abelii) adolah salah satu orangutan yang idup di Indonesia, duo lainnyo adolah Orangutan Kalimantan (Pongo pygmaeus) samo Orangutan Tapanuli (Pongo tapanuliensis). Orangutan Sumatra ko statusnyo kini kritis dan masok ke dalam daftar merah IUCN. Hal iko karano banyak ilangnyo habitat orangutan tu, padahal orangutan ko punyo peran yang penting di utan, yaitu untuk penebar bijik.[1]
Orangutan ko kini cuman ado di beberapo daerah bae, yaitu Provinsi Sumatra Utara dan Aceh, sedangkan Danau Toba adolah batas yang paling selatan. Populasi yang paling banyak adolah di Leuser Barat yang mencapai 2.508 ekor, Leuser Timur dengan 1.052 ekor, dan Rawa Singkil yang mencapai 1.500 ekor. Lokasi laen yang diperkirakan biso jadi tempat orangutan untuk idup dalam jangka panjang adolah Batang Toru. Total dari orangutan ko diperikirakan idak lebih dari 6.000 ekor.[2]
Ciri-ciri
editAdo beberapo ciri-ciri orangutan Sumatra yang bebeda dengan orangutan lainnyo, yaitu:
- Kantong pipi pado orangutan jantan lebih panjang dibandingkan orangutan betino.[1]
- Panjang tubuhnyo sekitar 1,25 sampe 1,5 meter.[1]
- Berat orangutan jantan sekitar 50-90 kilogram, sedangkan yang betino sekitar 30-50 kilogram. Bulunyo bewarno coklat kemerahan.[1]
- Orangutan jantan lebih penyendiri dibandingkan yang betino karno yang betino sering samo anaknyo.[1]
- Daya jelajah orangutan sekitar 2-10 kilometer, dan lokasinyo tegantung dari jumlah buah yang ado di utan.[1]
- Anak orangutan akan disapih sampe umur 3,5 tahun, dan kalau udah ado bayi orangutan lagi, anak yang sebelumnya jadi mandiri.[1]
- Orangutan betino mulai biso hamil ketiko umurnyo sekitar 10-11 tahun, dan usia reproduksinyo sekitar 15 tahon.[1]