Gentala Arasy
editGentala Arasy adolah jembatan dari Kota Jambi nan tadiri dari jembatan melengkung yang ado di Sungai Batanghari. Jembatan iko dibangun dengan panjang 503 meter dan lebar 4,5 meter. Jembatan iko hanyo untuk pajalan kaki nan dari Kota Jambi mau ke Jambi Kecik (Seberang) ataupun sebaliknyo.[1][2]
Di ujung jembatan itu, ado sebuah menaro jan yang dibuat satinggi 80 meter. Bangunan baru iko diharapkan manjadikan daya tarik wisatawan ka Jambi seperti layaknyo Paris yang punyo Menara Eiffel.[1][2]
Menaro Gentala Arasy
editMenaro Gentala Arasy merupokan tempat yang tinggi dan ketiko kito naik ke atas itu, akan nampak pemandangan Kota Jambi dari banyak sisi. Mulai dari ketek (kapal (kecik) yang ado di Sungai Batanghari, pasar, sampe lalu lalang kehidupan yang ado.[3][4]
Terletak di Kelurahan Arab Melayu, Pelayangan, Kota Jambi. Menaro jam ini punyo tinggi 80 meter, dan di dalamnyo terdapat museum kebudayaan Jambi. Museum tu berisi lebih dari 100 koleksi fakta peninggalan sejarah Jambi di masa lalu. Secaro umum, ditengok dari arsitektur bangunan menara Gentala Arasy iko kuat dengan karakter Melayu dan Islam (Arab).
Samo kayak Monas yang merupokan markah dari ibu kota, menaro iko jugo dilengkapi dengan bioskop kecik yang menayangkan beragam film dokumenter bersejarah. Bioskop kecik ini letaknyo di bagian dasar menaro. Selain bioskop kecik, di bagian bawah menara jugo merupokan museum khusus yang berisi informasi masuknyo Islam ke Jambi. Jadi selain sebagai tempat wisata, menaro ko jugo sebagai tempat edukasi bagi orang yang datang.[3][4]
Sesuai dengan namonyo yaitu Gentala Arasy yang berarti panggilan paling tinggi dari Tuhan, setiap waktu shalat datang, akan ado bunyi yang keluar. Bunyinyo ni sebagai pengingat kalau udah masuk waktu untuk ibadah. Kehadiran menaro ko jugo mendukung dari daerah Seberang Kota Jambi (Sekoja) atau jugo dikenal sebagai Jambi Kecik. Hal itu karano di Sekoja sejak lamo terkenal sebagai Kota Santri. Banyak pondok pesantren, madrasah, samo masjid tuo yang ado di sano, dan Sekoja jugo merupokan tempat lahirnyo banyak ulama.[3][4]
Salah satu pondok pesantren yang tekenal di Sekoja adolah Pondok Pesantren As'ad Olak Kemang. Selain itu, Sekoja jugo perah menjadi tuan rumah acara Musabaqoh Qira’atil Kutub (MQK) tahun 2014.[3][4]
Galeri
edit
.jpg)
Daftar Pustaka
edit- ↑ 1.0 1.1 CNN Indonesia. Menara Gentala Arasy Ikon Baru Kota Jambi. Diakses pada 30 April 2021.
- ↑ 2.0 2.1 Kompas. Wapres Resmikan Gentala Arasy Ikon Baru Kota Jambi. Diakses pada 30 April 2021.
- ↑ 3.0 3.1 3.2 3.3 Detik. Melihat Parnorama Kota Jambi dari Ketinggian Menara Gentala Arasy. Diakses pada 30 April 2021.
- ↑ 4.0 4.1 4.2 4.3 Berita Satu. Gentala Arasy Wisata Religi Islami di Seberang Kota Jambi. Diakses pada 30 April 2021.