Beo nias (Gracula robusta) adolah jenis burung dalam kelompok Sturnidae (samo kayak jalan dan kerabatnyo) yang cuman ado di Pulau Nias, Sumatra Utara, Indonesia.[1] Beo iko merupokan hewan yang betulang belakang dan caro bekembang biaknyo adolah dengan betelok.[2]
Alasan yang membuatnyo tekenal adolah dari suaronyo. Beo sikok ni padek nian karno biso niruin suaro manusia atau suaro lain yang dio dengar.[1] Selain itu, pebedaan beo ko samo beo lainnyo adolah dari ukuran badannyo dewek. Beo nias ko badannyo lebih besak dibandingkan dengan beo lainnya, dan karno cuman ado di Pulau Nias, makonyo beo ko temasok ke dalam hewan yang dilindungi.[2]
Ciri-ciri edit
- Badannyo lebih besak daripado beo lainnyo dan panjangnyo biso sampe 40 cm.[1]
- Bulu yang ado di bagian kepalak lebih pendek daripado bagian lainnyo.[1]
- Cuping telingonyo nyatu di belakang kepala dan bentoknyo kayak gelambir dan mirip samo jengger ayam. Warnonyo dewek adolah kuning yang terang.[1]
- Iris matonyo bewarno coklat.[2]
- Bentuk paruhnyo melengkung dan kuat serta bewarno oren kemerah-merahan.[2]
Reproduksi edit
Samo kayak burung lainnyo, beo meneruskan keturunan dengan caro betelok. Kalau beo sedang di maso betelok, dalam sekali betelok biso keluar duo sampe tigo telok. Teloknyo ko dierami selamo tigo minggu.[2]