Wp/isv/Syktyvkar

Syktyvkar [sɪktɪfˈkɑːr] (komi-zyr. i rus. Сыктывкар) jest grad v sěverovozhodnoj česti evropejskoj Rosije, glavny i največši grad Republiky Komi i centr jednonazvanogo gradskogo okruga. Grad jest položeny pri lěvom brěgu rěky Sysola, nedaleko ustja rěky Vyčegda, okolo 1360 kilometrov od Moskvy. Imaje povrhnju 152 km² i 220.580 žiteljev (2020) petdeseti nacionalnostij, srěd ktoryh 66,0% sut Rusi i 25,9 sut Komi.

Grad

Syktyvkar

Сыктывкар
Horugva
Gerb
Administrativno děljeńje
Država	Rosijska Federacija
Region	Republika Komi
Okrug	Syktyvkarsky gradky okrug
Obča informacija
Osnovany	1586
Plošča	152 km² km²
Nasěljeńje (2020)	220 580 ljudij

Historija

Herb grada Ust-Sysolsk, 1780 g.

Syktyvkar byl osnovany v 1586 g. kako malo poseljenje pod nazvoju Ust-Sysola. V 1780 g. carica Jekaterina II prěobrazila tuto poseljenje, ktoro onogda obyvali 1.700 ljudij, v grad i izměnila jego nazvu v Ust-Sysolsk. Jednakože v istinnosti za carskyh časov on prěd vsim stal město izgnanja.

Ješče v 1913-om godu 95% srěd 5.600 žiteljev grada byli Komi. Naseljenje grada sostojalo glavno iz kupcev i seljanov, zajmajuči se m.dr. zemjedělstvom, razvodženjem skota, lovjenjem ryb i trgovanjem. Poslě rosijskoj revolucije grad načel razvivati se bystro i v njego prěselili se mnogi Rusi. V 1921 g. grad Ust-Sysolsk stal glavny grad novozaloženogo Avtonomnogo okruga Komi-zyrjanov, a v 1930 g. byl prěimenovany v Syktyvkar, od komi-zyrjanskyh slov Syktyv «Sysola» i kar «grad». V 1936 Syktyvkar stal glavny grad Avtonomnoj sovětskoj socialističnoj republiky Komi, ktora poslě razpada Sovětskogo Sojuza byla prěimenovana v Republika Komi.

Syktyvkar imaje medžunarodny aeroport, zelězničnu stanciju i od 1972-ogo g. universitet). Nyně jest važny promyslny, kulturny i naučny centr v sěverozapadnoj česti Rosije.

Galerija

• 
  Ulica v Syktyvkaru
• 
  Syktyvkar nočju
• 
  Trgovy centr «Maksi»
• 
  Glavna ulica Syktyvkara
• 
  Budynok požarnoj služby
• 
  Ust-Sysolsko duhovno učilišče
• 
  Syktyvkarsky lěsny institut
• 
  Republikansky centr dopolniteljnogo obrazovanja
• 
  «Žolty dom»
• 
  Drěvěny dom v Syktyvkaru
• 
  Dvor pionerov
• 
  Etnografičny odděl
• 
  Pametnik Ivana Kuratova, založitelja komi-zyrjanskoj kniževnosti, prěd operoju
• 
  Zelěznična stancija zimoju
• 
  Komi republikansky stadion
• 
  Aeroport Syktyvkara
• 
  Katedralny sobor im. Stefana Permskogo
• 
  Protestantska crkov Hristosa Spasitelja
• 
  Hram Svetogo Voznesenja
• 
  Pravoslavna crkov Kazanskoj Božjej Materi
• 
  Sěverno světlo nad Syktyvkarom