Slovačsko narodno povstańje (slovač.: Slovenské národné povstanie, SNP) bylo vojenno dvižeńje protiv nacističnoj Němcije na ozemjah Slovakije. Povstańje trvalo od 29 avgusta do 28 oktobra 1944 goda. V dvižeńju prijelo učestje vyše šestdeset tysečev ljudij. Razom so slovakami takože borili se bojci iz drugyh krajev: Čehija, Poljska, Rumunija, Francija, Bulgarija, Jugoslavija, němečski antifašisti, velikoj pomočju byly paradesantne brigady iz SSSR. Po dvoh měsecev težkyh obrannyh bojev nacistične vojska dobyli srědišče povstanija, grad Bansku Bystricu. Učestniki povstańja odšli do gor, kde je prodolžali boje protiv fašistam črěz zimu do prihoda armiji SSSR v 1945 godu.
Nacistične vojska ustrojili na dobytyh krajinah teror. Bylo ubito pet tysečev ljudij i spaljeno na devetdeset sel.