Region stoličnogo grada Bruselj (fr.: Région de Bruxelles-Capitale, nid.: Brussels Hoofdstedelijk Gewest) jest jedin iz treh federalnyh regionov Belgije. Region, ktory jest položeny kako enklava v Flandriji, jest največša aglomeracija v Belgiji, imaje povrhnju 161 km² i naseljenje 1.233.793 ljudij (dane iz 1-ogo aprilja 2022 g.).
| |||
 | |||
| Provincija Belgije | |||
| Glavny grad | Bruselj | ||
|---|---|---|---|
| Naseljenje | 1,218,255 | ||
| Povrhnja | 161.38 square kilometre | ||
| Premier-ministr | Rudi Vervoort[*] | ||
| ISO 3166-2 | BE-BRU | ||
| Služebny vebsajt | https://be.brussels | ||
V protivnosti k ostalym regionam Belgije (Flandriji i Valoniji), Region stoličnogo grada Bruselj imaje dva služebne jezyky, francuzsky i niderlandsky.
Region byl založeny v 1989 g. i sostoji iz 19 občin, srěd ktoryh jest Bruselj, glavny grad Belgije. On imaje vlastnu vladu, skladajuču se iz 5 ministrov i 3 državnyh sekretarev, a takože vlastny parlament 89 členov (72 francuzskojezyčnyh i 17 niderlandskojezyčnyh). Iz francuzskojezyčnyh členov parlamenta, 19 takože sut členi parlamenta francuzskojezyčnoj spoločnosti, a vsi niderlandskojezyčni členi takože sut (nepolni) členi flamandskogo parlamenta (gledite: političny ustroj Belgije).