"Kolorovana ptica" (ang.: The Painted Bird) jest roman Ježi Kosinskogo, ktory byl opublikovany v 1965 godu v SŠA na anglijskom jezyku. On povědaje historiju Drugoj světovoj vojny od hlapca, "romskogo ili jevrejskogo bezprizornika", ktory putovaje po malym selam v neizvěstnom kraju Centralnoj ili Iztočnoj Evropy.
Hlapec strěčaje seljanov, ktori učestvujut vo vsih formah seksualnogo i socialnogo izvračeńja, vključajuči incest, zoofiliju i nasilovańje, a takože ine formy nasiĺja i pohoty. Avtor knigy ne popisal točno město i točny narod svojih osob, ale v knigě piše se toliko o divnom osoblivom narěčju městnyh ljudij. Nazva knigy proizhodi od jednogo iz slučajev v povědkě. Hlapec, buduči razom s profesionalnym lovcem ptic, ogledaje, kako on bere jednu iz zahvačenyh ptic i koloruje ju v několiko kolorov. Potom on osvobadžaje pticu letěti k svojim srodnikam, ale kogdy kolorovana ptica sustrěčaje svojih srodnikov, tamte videt ju čudžincem i silno napadajut na nju, dopoka ona ne padaje s neba.
.jpg)
Početkovo Kosinski govoril o povědkě kako ob osnovanoj na jego žitju v čas Holokosta. Vslěd, k času publikacije, Kosinski vozdržival se od kvalifikacije knigy kako avtobiografije. Kniga byla opublikovana i trgovana kako izmysljena povědka, ale v recenzijah na knigu mnoge jih avtori takože pisali o knigě kako ob avtobiografiji abo poluavtobiografiji. Amerikanski avtor Džejms Sloan popisal, že kniga ne jest avtobiografična, a Kosinski provědl vojnu s poljskoju katoličskoju semjeju, ktora spasla jego od němcev i ne obhodila se s njim zlo.[1]
V 2019 godu roman byl adaptovany v jednonazvany film češskogo režisera Vaclava Marhula.[2] Film vključal razgovory na medžuslovjanskom jezyku.
Iztočniky
edit- ↑ D. G. Myers. "A Life Beyond Repair" (na anglijskom). Books in Review. Bylo arhivovano iz iztočnika 5 dekembra 2006. Data dostupa: 15 novembra 2006.
- ↑ Holdsworth, Nick (4 februara 2017). "Stellan Skarsgard to Star in Holocaust Drama 'The Painted Bird'". The Hollywood Reporter (na anglijskom). Bylo arhivovano iz iztočnika 29 julija 2019. Data dostupa: 29 julija 2019.
Vněšnje linky
edit- Tutoj članok imaje prěvod iz članka "The Painted Bird" v Vikipediji na anglijskom (spis avtorov; dozvoljeńje CC BY-SA 4.0).