Janusz Andrzej Zajdel (Varšava, 15 avgusta 1938 – Varšava, 19 julija 1985) byl poljsky pisatelj, avtor naučnoj fantastiky (ang.: science-fiction) i pioner sociologičnoj fantastiky v Poljskě. Jego tvorby često imajut distopičny harakter, dokazyvajuče nemožnosti stvorjenja doskonaloj spoločnosti prěz odgorno nakydanje pravil.
Najvažnějša literaturna nagrada v oblasti fantastiky nosi jego ime.
Zajdel takože byl specialist v oblasti jedrnoj fiziky. Byl avtorom mnogyh člankov, brošur, skriptov i popularno-naučnyh knig.