Wp/isv/Mnogobožstvo

Mnogobožstvo ili politeizm jest religiozno pojetje o jestvovańju množstva bogov, objedinjajemyh v panteon. Mnogobožje protivorěči jednobožstvu i ateizmu.

Takož jestvuje kompromisny mističny monoteizm (suglasno njemu, věra v množstvo bogov jest věra v aspekty jednogo boga).'

Jestestvo mnogobožstva

Suglasno mnogobožstvu, jestvuje hierarhija bogov, imajučih raznu měru vlasti, jej oblast i izgled. Oblast dějateljnosti každogo boga jest odděljena od oblastij inyh bogov. Glavny jest, najčesto, někaky vrhovny (obyčno bog solnca, ale ne vsekogda).

Obredy mnogobožskyh věrozakonov sut prěznačene za ustanovjeńje kontakta s bogom (bogami) i prijem pomoči v zaměn na dary od ljudij.

Vidy mnogobožstva

Uděljajut razne vidy mnogobožstva:

animizm (věra v jestvovańje duhov i živost prirody);
věrozakonny fetišizm (davańje oprěděljenym neživym objektam osoblivyh svojstv);
totemizm (věra v svez medžu plemenem i životinoju ili prirodnym javjeńjem);
animalizm (kult životin);
astrolatrija (kult nebesnyh těl);
kult htoničnyh bogov (obožańje bogov zemje i vody);
kult prědkov (věra v obračańje umrših prědkov v duhov i jih učestje v životu potomkov).

Mnogobožstvo tutčas

V tutčasnom světu jestvujut věrozakony s mnogobožstvom, napr., džajnizm, hinduizm, taosizm, šintoizm i něktore ine.

Takož jestvuje novopoganstvo (suma novyh věrozakonov, ktore phajut se vozroditi stare religije).