Владимир Розенбергер (rus.: Владимир Карлович Розенбергер; 1848–1918) был творитель умєтного језыка идиом неутрал. Владимир (или Валдемар) уродил се в 1848 году в граду Санкт-Петербург (Росија) како рус нємечского поизходженја. Был шкољены како инжениер желєзничства и работал в тој функцији од 1873 до својего пенсионерства в 1909.
В 1886 годе он научил се језику волапјуку, в 1892 стал директором Академије волапјука. В тых лєтах позиција волапјука была сериозно загрожена вслєд успєхов нового меджународного језыка есперанто. Хочуч реформовати и улєпшити волапјук, Розенбергер начел експериментовати и в 1902 году изтворил новы језык, идиом неутрал (Idiom Neutral), натуралистичны пројект, кторы једнакоже не был пријеты од меджународного руха волапјукистов. Десет лєт позднєје, в 1912 году, Розенбергер опубликовал улєпшену версију того самого језыка под назвоју Reform-Neutral. В лєтах од 1906 до 1915 он издавал и редактовал журнал Прогрес, прво на идиом-неутралу, а потом на реформ-неутралу. Помимо того, ни прва ни друга версија језыка не была много успєшна.
В декембру 1918 Розенбергер умрєл в вєку 70 лєт вслєд пневмоније.