Tan Sri Datuk Patinggi Abang Haji Abdul Rahman Zohari Tun Abang Haji Openg (ada maya 4 Ogos 1950)[1][2] ia nya siti raban politik Malaysia ti udah nyadi Premier Sarawak. Iya mega Presiden Parti Pesaka Bumiputera Bersatu (PBB) enggau Anggota Dewan Undangan Negeri Sarawak bagi DUN Gedong berengkah ari Disember 2021. Iya mega kala nyadi ADUN Satok sepengelama sepuluh penggal ari taun 1981 nyentuk 2021.[3] [4]
Iya mega nyadi tuai aum Gabungan Parti Sarawak (GPS) ti digaga maya Jun 2018.[5]
Gaya pengidup edit
Abang Johari diada ba Limbang, Sarawak maya 4 Ogos 1950. Iya anak pengkuan Tun Abang Haji Openg Abang Shapie enggau Toh Puan Dayang Hajjah Masniah Abdul Rahman. Apai iya dipilih nyadi Yang di-Pertua Negeri Sarawak ti keterubah ari taun 1963 nyentuk taun 1969.
Iya bekawin enggau Datin Patinggi Jumaani Tuanku Bujang enggau bisi siku anak laki enggau siku anak indu ia nya Abang Abdillah Izzarim enggau Dayang Norjihan.[6]
Pelajar edit
Abang Johari bulih pelajar primari enggau sekendari ba Sekolah Kebangsaan Merpati Jepang enggau Sekolah Menengah Kebangsaan St. Joseph, Kuching.[6] Udah nya, iya belajar ba Universiti Brunnel, United Kingdom. Iya bulih Masters dalam Pengurus Bisnes ari Universiti Brunnel, United Kingdom.
Kereja enggau Politik edit
Sebedau tama ngagai arena politik, iya kala begawa nyadi Pegawai Eksekutif Penerbangan Malaysia (MAS) dalam Bahagian Perhubungan Korporat.
Iya berengkah nyadi aktif dalam politik maya taun 1977. Maya nyadi Menteri Perindustrian dan Insfrastruktur Negeri, penyampau pelabur ba Sarawak niki ngagai 10 bilion setaun. Anak pengkuan Tun Abang Haji Openg, tauka Sri Abang, ukai aja dikerindu mayuh orang Melayu, iya pan dikerindu bala pelabur asal enggau ari menua bukai.
Sepengudah pengawa pemilih negeri ti ke-8 maya taun 2001, iya sekali agi diberi pengarap nyadi Menteri Pelancongan Negeri nyentuk maya rombakan kabinet negeri besai maya taun 2004 ti ngansak iya betukar nyadi portfolio Perumahan Sarawak. Enda baka raban Dewan Undangan Negeri ti bukai ba Sarawak iya amat bendar ngetan nasit pemilih-pemilih iya ba N.6 Satok.
Maya pengawa pemilih ti kesembilan 2006, iya ti ngarika Parti Pesaka Bumiputra Bersatu dalam Barisan Nasional sekali agi ngetan Kerusi N8 Satok enggau pemayuh 2798 undi ngalahka laban iya Mohamad Jolhi ari Parti Keadilan Rakyat.
Abang Johari, Ahli Dewan Undangan Negeri (ADUN) menua Satok ti bisi pengalaman lebih ari 30 taun ba dalam politik, ia nya siku ari tiga pemantu kepala menteri na baruh perintah Allahyarham Tan Sri Datuk Amar Hj Adenan Satem, sama-sama enggau Datuk Amar Douglas Uggah Embas enggau Tan Sri Dr James Jemut Masing.
Iya diatu megai pengawa Menteri Perumahan dan Urbanisasi, Menteri Pelancongan, Kesenian dan Kebudayaan enggau Presiden Pertubuhan Kebangsaan Belia Bersatu Sarawak (SABERKAS).
Kepala Menteri Sarawak edit
Parti Pesaka Bumiputera Bersatu (PBB) udah setuju nyukung Abang Johari sebagai Ketua Menteri Sarawak keenam kena nganti Tan Sri Datuk Amar Hj Adenan Satem ti udah parai maya 11 Januari 2017. Iya udah ngangkat sumpah pengawa iya ba mua Yang di-Pertua Negeri Sarawak, Tun Pehin Sri Abdul Taib Mahmud ba Astana, Sarawak.
Gabungan Parti Sarawak ngetanka pemujur iya maya pengawa pemilih tu sepengudah sida menang 76 ari 82 kerusi ti ditandingka. [7]Abang Johari diangkat baru nyadi Ketua Menteri Sarawak ti ketujuh.[8]
Penerang edit
- ↑ Official Website Office of the Chief Minister of Sarawak Biography
- ↑ Datuk Amar Abang Haji Abdul Rahman Zohari bin Tun Abang Haji Openg Dewan Undangan Negeri Sarawak. Diambi maya 124 September 2022.
- ↑ Abang Johari to be sworn in as Sarawak's sixth Chief Minister New Straits Times. New Straits Times. Diambi maya 24 September 2022
- ↑ Abang Johari Ketua Menteri Baharu Sarawak BH Online. Berita Harian. Diambi maya 24 September 2022.
- ↑ "PBB, PRS, PDP, SUPP keluar BN, bentuk GPS" BHarian. Jun 12, 2018. Diambi maya 24 September 2022.
- ↑ 6.0 6.1 "Biodata Ketua Menteri Sarawak Keenam" BH Online. Berita Harian. Diambi maya 24 September 2022
- ↑ GPS menang di DUN Mulu, kuasai 76 kerusi DUN HMetro. Disember 19, 2021. Diambi maya 24 September 2022
- ↑ Abang Johari angkat sumpah Ketua Menteri Sarawak BHarian. Disember 19, 2021. Diambi maya 24 September 2022