Die Tahitizitron (Citrus × latifolia) (aach internazionaal als Tahitilimm un gewehnlich im Brasilje nore als Zitron bekannt) is en Zitrusfrucht noh eer Uersprungsplatz benennd.[1]
| Tahitizitron | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 Fricht fun de Tahitizitron | |||||||||||||||||||
| Wisseschaftlich Klassifikeerung | |||||||||||||||||||
| |||||||||||||||||||
| Binomiaaler Naame | |||||||||||||||||||
| Citrus × latifolia (Tanaka ex Yu. Tanaka) Tanaka, 1951 | |||||||||||||||||||
Uersprung
editTahitizitrone wachse gud hauptsechlich in de subtropische un tropische Rëghione fun de Äerd, wo die Fricht meerst enstatt de Paulisderzitrone benutzd werre. Im Mittelelter hod die Frucht mit de Kreizfaarer noh Italje un fun dart noh Frankreich un Spanje aankomm.
Beschreivung
editDe immergriene, baamaartiche Strauch werd ungefäer 5 bis 6 Meter hogh. Er werd aan de Nest mit bis zu 1 cm lange Derner geschitzd. Die Bletter sin dunkelgrien mit leicht geflittem Blaatstiel un 6–7 × 10–13 cm grose Spreede (latifolia bedeid «mit breide Bletter, breidblettrich). Die Blaatrand is en bissje gesehd. Die Bliehe sin weis, fier- bis finnefblettrich, ungefäer 3 Zentimeter im Dorrichmesser un stehn zu mehre in de Blaatachsel.
De Strauch kried aach in Vaase jedes Joher fiele aromatische Fricht un brauchd keen Poliniseerung, wal sein Fricht partënokarrep sin. Die Reifzeid (Merz bis Dezember) is wesentlich kerzer wie bei de Paulisderzitron.
Die Frucht hod en grien Scheels, wo bei Follreifung gelleb werd.[2] Sie messd ungefäer 5 Zentimeter im Dorrichmesser un hod sauer Fruchtfleisch, wo in 9 bis 11 Sëgmente unnerdeeld werd. Im Geghedeel zu annre Zitrusfricht kann die Frucht nore unnich Schwierichkeede odder gaar net gescheeld un in Sëgmente gespalld werre. Die Forreb fum Fruchtfleisch is bei alle Limme en blass Grien. Sie is neechst immer kernlos wal eer tëtraploide Kromosomesatz stërile Ovule ausbild.
Benutzung
editWie aach die echt Galegozitrone, werd-se for allem fer Saft un wesentliche Eel benutzd. Bekannte Gedrenk uff de Basë fun Tahitizitron sin Caipirinha, Daiquiri, un Mojito[3]. In de persische Kich werd de Saft fun de Tahitizitron zu de Aromatiseerung fun Schwarztee benutzd. Aach gedrockend finne die Limm, dann Loomi genennd, in de Kich als seierlich Gewerz Ferwennung.
Rëferenze
- ↑ «Quantos tipos de limão existem?». Portal Mundo Estranho.
- ↑ Tahiti Lime
- ↑ Carla Rocha (12. Februar 2015). «Cinco receitas de caipirinhas e caipiroskas». Gazeta do Povo
Literatuer
edit- Bernhard Voß (1997): Citruspflanzen von Tropisch bis Winterhart. Humbach & Nemazal, ISBN 3-9805521-3-6
- Bernhard Voß (2005): Zitruspflanzen. Franckh-Kosmos Verlags-GmbH, ISBN 3-440-10174-6
- Hans-Peter Maier (2006): Zitruspflanzen. Gräfe und Unzer Verlag, ISBN 3-7742-8839-9