Do där Artikel odder Abschnitt werd aus «Brazil» in de English-Wikipedia iwersetzd. |
Brasilje (aach Brasil) is das grest un estlichst Land fun Siedamerika un Lateinamerika. Es is das finnestgrest Land fun de Welt noh Flech un das siebtgrest noh Populazion. Sein Hauptstatt is Brasília un sein Populazionsreichst Statt is São Paulo. Brasilje is en Bunnestaat, wo aus 26 Staate un enem Bunnesdistrikt bestehd. Es is das eenzichst Land in Amerika, wo Portugiesisch die offiziaal Sproch is.[1] Brasilje geheerd zu de multikulturaaleste un etnisch diversest Nazione fun de Welt weche de seid iwer een Joherhunnerd Massinwannrung aus de ganze Welt.[2]
| República Federativa do Brasil | |||||
| Fëdërativ Republik fun Brasilje | |||||
| |||||
| Waalspruch: Ordem e Progresso "Ordnung un Fortgang" | |||||
| Offiziaalsproch | Portugiesisch | ||||
| Hauptstatt | Brasília | ||||
| Staatsforrem | Bunnesrëpublik | ||||
| Rëghierungssistem | Prësidenziaal Demokratie | ||||
| Staatsowerhaupt, zugleich Rëghierungsscheff | Prësident Luiz Inácio Lula da Silva | ||||
| Flech | 8.515.770 km² | ||||
| Populazion | 208.360.000 (Dezember 2017) | ||||
| Populazion Dicht | 24 Inwohner pro km² | ||||
| Wärung | Rëal (BRL) | ||||
| Unabhengichkeed | 7. September 1822 (Erkleerung) 1825 (fun Portugal aanerkennd) | ||||
| Nazionaalhimm | Hino Nacional Brasileiro | ||||
| Zeidzone | UTC−5 bis UTC−2 | ||||
| Kennzeiche | BR | ||||
| ISO 3166 | BR, BRA, 076 | ||||
| Internet-TLD | .br | ||||
| Tëlefonforwaal | +55 | ||||
 Laagh fun Brasilje
| |||||
Brasilje grenzd im Oste de Atlantische Ozëaan un hod en 7.941 Kilometer lang Kist.[3] Es bedeckd ungefäer die Helleft fun Siedamerika sein Landflech un grenzd aan all annre Lenner un Gebiede fum Kontikent auser Ëquatoer un Chilë. Das brësiljaanisch Amazonasbecke umfassd en riesicher tropischer Wald, wo en divers Wildleve, en Diversiteet fun ëkologische Sisteme un iwerflissiche Natuergider abrigeerd.[3] So en eenzichaartich Umwelterreb stelld Brasilje uff Platz enns fun 17 mëgadiverse Lenner. Dem Land sein natierlich Reichdum bringd aach globaale Interess uff, wal Umweltdëgradazion direkt Nohwerrkunge uff globaale Probleme wie Klimaennrung un Biodiversiteetferlust hod.
Rëferenze
- ↑ Vallance, Monique M. (2012). "Preface and Observations on Contemporary Brazil". In Crocitti, John J. (ed.). Brazil Today: An Encyclopedia of Life in the Republic. Beidraand Ëditorin Monique M. Vallance. ABC-CLIO. p. xxiii. ISBN 978-0-313-34672-9. OCLC 787850982. Arkiveerd fum Originaale aan 25. Oktover 2023. Abgeruf aam 16. Juni 2015.
- ↑ "Os migrantes de hoje". BBC Brasil. Arkiveerd fum Originaale aam 27. September 2013. Abgeruf aam 24. Oktover 2018.
- ↑ 3.0 3.1 "Brazil § geography". The World Factbook (2024 ed.). Central Intelligence Agency. Abgeruf aam 4. Maai 2018. (Arkiveerd Ëdizion fun 2018.)