Wp/fit/Tornionlaakson maffia

< Wp‎ | fit
Wp > fit > Tornionlaakson maffia

Tornionlaakson maffia (r. Tornedalsmaffian) oli se porukka Läänin koululautakunnan johola jokka 1970-luvula yritit parantaa suomen kielen tilanetta Ruottin Tornionlaakson kouluissa. "Tornionlaakson maffian" yinjäsenet olit Karl Pekkari, Lennart Winsa, Matti Kenttä ja Albert Pekkari. Net alotit kans 1970-luvula puhumhaan meänkielestä ette sitä pitäis käyttää petakookisena keinona läänin kouluissa, siis alkaa opethaan meänkieltä niile jokka ei ole lapsia Suomen siirtolaisile ja pikku hiljaa liikkua suomen kieltä kohti. Matti Kentästä, Karl Pekkarista, Lennart Winsasta ja Albert Pekkarista tuli myöhemin meänkielen aktivistia, mutta ei net koskhaan ole ajanheet linjaa ette meänkielen pittää eristää suomesta eli siittä murtheesta mitä puhuthaan iänpuolela Tornionväylää [1]. Nimityksen Tornionlaakson maffian net sait sen takia ette het olit ensimäiset jokka viralisesti aloit ajamhaan suomen kielen asioita Norrbottenissa 1970-luvula missä asentheet suomheen olit hyvin useasti nekatiivisia [2].

Referensit edit

  1. Matti Kenttä Meän kieltä 1986:36
  2. Winsa 1997, 1998

Lähteet edit

  • Kenttä, Matti & Pekkari, Albert 1986. Meän kieltä. Kirjotuksia Tornionlaakson kielelä. Tornedalica. Luleå.
  • Winsa, Birger (1998). Language attitudes and social identity : the oppression and revival of a minority language in Sweden Edited by Pauline Bryant. Canberra. Applied Linguistics Association of Australia. Serie: Australian review of applied linguistics. Occasional paper.
  • Winsa, Birger (1997). Från ett vi till ett dem Torne älv som kulturgräns. Ingår i: Korhonen, Olavi: Språkliga och kulturella gränser i Nordskandinavien / Olavi Korhonen & Birger Winsa. Umeå. Kulturgräns norr. ISBN 91-88466-08-6.