Burundi, viralisesti Burundin tasavalta, on pieni valtio Itä-Aafriikassa suuritten järvitten alueela. Se rajautuu pohjoisessa Ruandhaan, etelässä ja iässä Tansanihaan ja lännessä Kongon temukraattisheen tasavalthaan. Burundila ei ole yhteyttä merele, mutta sillä on lounhaassa rantaviivaa Tanganjikajärvelä.
![](http://upload.wikimedia.org/wikipedia/commons/thumb/5/50/Flag_of_Burundi.svg/300px-Flag_of_Burundi.svg.png)
![](http://upload.wikimedia.org/wikipedia/commons/thumb/e/e4/LocationBurundi.svg/300px-LocationBurundi.svg.png)
Twat, tutsit ja hutut on asuhneet Burundin alueela siittä lähtien kun valtio muoostui viis vuosisattaa sitten. Tutsit hallittit Burundia kuninkaskuntana yli kahensaan vuoen aijan. 1900-luvun alussa Saksa ja Belgia kuitekki miehitit alueen, jolloin Burundi ja Ruanda yhistethiin Ruanda-Urundi-nimiseksi euruuppalaisitten siirtomaaks. Puliittisia levottomuuksia essiintyi koko alueela tutsitten ja hutuitten välisitten sosiaalisitten eroitten vuoks. Ne sait Burundissa aikhaan sisälissoan 1900-luvun puolivälin jälkhiin. Nykyhään Burundia hallithaan eustukselisena temukratina, jossa on presidenttivaltanen järjestelmä. 62 prusenttia burundilaisista on katolilaisia, 8–10 prusenttia muslimia ja loput seuraavat alkuperäistä luonon uskontoa tai protestanttista kristitilisyyttä.
Burundi on yksi mailman kymmenestä köyhiimästä valtiosta. Sisälissoitten jäljiltä Burundin bruttunasuunalprutykti on alhainen, väestönkasvu on epävakaata ja resyrsiä on niukasti. Koboltti ja kupari on Burundissa hyöynettäviä luononvaroja. Maan tärkeimphiin vientituotteishiin kuuluvat kahvi ja sokeri.
Algeria | Angola | Benin | Botswana | Burkina Faso | Burundi | Kamerun | Kap Verde | Keski-Aafriikan tasavalta | Tjad | Komorit | Kongon temukraattinen tasavalta | Kongon tasavalta | Norsuluurannikko | Djibouti | Egypti | Ekvaattorin Guinea | Eritrea | Etiopia | Gabon | Gambia | Ghana | Guinea | Guinea-Bissau | Kenya | Lesotho | Liberia | Libya | Madagaskar | Malawi | Mali | Mauritania | Mauritius | Marokko | Mosambik | Namibia | Niger | Nigeria | Ruanda | São Tomé and Príncipe | Senegal | Seychellit | Sierra Leone | Somalia | Etelä-Aafriikka | Etelä-Sudan | Sudan | Swazimaa | Tansania | Togo | Tunisia | Uganda | Sambia | Zimbabwe