Dagaaba Gyoge Sonne. Boŋ la gyoge soŋ? Gyoge so la meŋa baŋ taabu,naŋ maŋ saa neɛ eroŋ bee yɛlɛ yelloo poɔ. Gyoge soŋ e la Dagaaba saakommine pare bone. Dagao nam baa a taa gyoge ba boɔlɔ o la yɛŋ soba Dagao meŋ nam ba taa gyoge soŋ e la dambole bee nembabuuro.
Ziiri na mine gyoge Sonne naŋ maŋ saa:---
Bodirii deebu
Dagao ba laŋ dire kyɛ yele yɛllɛ zuoazaa ŋmɛɛrɛ nɔkpeɛne.Dagaaba ba zeɛrɛ bondirii. Bibile la nyɔgerɔ nudɛgere--ŋmane ka ba pɛgerɛ nuuri. Bibile la maŋ te zeɛre laalee ka ba dire. Bibile naŋ taa gyoge soŋ ba kuuro laalee pare la dire ne saana.
Yoe Boɔloo
Bibile ba boɔlɔ nenkpoŋ yuori na yeli yɛllɛ ko o.gaŋazaa o saa bee ma. Ka o naŋ na boɔle nenkpoŋ yuori a ferɛ la ka o de yelbie ama mine puli a yɛllɛ poɔ ' N saabile Dasaa naŋ wa kyɛ.' 'M beɛre Tasɔgelɔ naŋ deɛ somma'.M makpeɛma Yaa de dakogi zeŋ.