Wp/dga/Alban Bagbin

Alban Sumana Kingsford Bagbin (dɔgebo bebiri 24 Sentɔmbare 1957) e la Ghana pɔleteesa naŋ e a begemaale die speaker pampana Ghana poɔ. O da e la Minisa ko laanfeeloŋ yɛlɛ a Ghana Gɔmenante poɔ yi Gyɛnoɔre 2012 te ta Fɛboɔre 2013. O e la begemaale die mɛmba ko a Nadowli North gbandige a ɔpa wɛse Irigyiŋ poɔ Ghana, a 1st, 2nd, 3rd, 4th, 5th, 6th ane 7th begemaale dieŋ a Ghana republic anaare eŋɛ. O da bɔ la a kataweɛ paate yidaandɔɔloŋ gyongyoŋ 2019 poɔ kyɛ da le ko a yidaandɔɔ koroo John Dramani Mahama. 7th Gyɛnoɔre 2021 poɔ, ba da ɛlɛte la Bagbin speaker ko a 8th begemaale die a republic anaare eŋɛ.

Alban Bagbin

human

Part of	8th Parliament of the 4th Republic of Ghana, 7th Parliament of the 4th Republic of Ghana
Sex or gender	male
Country of citizenship	Ghana
Name in native language	Alban Sumana Kingsford Bagbin
Given name	Alban
Family name	Bagbin
Date of birth	24 September 1957
Place of birth	Upper West Region
Languages spoken, written or signed	English
Occupation	politician, barrister
Educated at	University of Ghana, Ghana School of Law, Wa Senior High Technical School
Member of political party	National Democratic Congress
Religion or worldview	Catholicism

Nyɔvore Piiluu ane Ganzanne

Ba dɔge la Alban Sumana Kingsford Bagbin 24th Sentɔmbare 1957 ko Sansunni Bagbin ane Margaret B. Bagbin zaa naŋ da e koɔre baalba. O na la a biiri banaare soba biiri bawae eŋɛ. O e la Dagabule. O baa la Sombo poɔ, ɔpa wɛse Irigyiŋ Ghana. Alban Bagbin nyɛ la zannoo yi Wa sɛkondere sakuuri ane Tamale sɛkondere sakuuri. O nyɛ la Bakyila of Art degeree in law ane English a Ghana Yuniveniti 1980 poɔ.

O pare gaa la Ghana school of law Makola Accra poɔ o naŋ wa yi be ka ba da boɔle o a bar 1982 poɔ Bagbin meŋ la nyɛ la Executive Masters in Governance ane Leadership yi a Ghana Institute of Management ane Public Administration (GIMPA).

Tonnɔɛ

Bagbin da e la gansɛgerɛ ko a statistical service Board a Bureau of statistics ane statistical service yi 1980 te tɔ 1982. O da e la meŋɛ Manengya ko a a erstwhile state Hotels corporation consisting of Ambassador ane continental Hotels a yi 1982 ane 1983, sɛre oŋ leɛ gaa Libya na te wuli English Tripoli poɔ a suk Juma sɛkondere sakuuri.

A tuuro Bagbin Ghana leɛ waabo 1986 poɔ, o wa paale la Akyem Chambers, begɛ tontonzie ko sɛredirebo, nempeɛre noba ane notaries public. O naŋ e attorney, o erɛ la fẽẽfẽẽ meŋ na leɛ ba kaŋa. O naŋ tona a Okyeman Chambers, yi 1989 ane 1992 ba da kaa iri o la ka o e a external solicitor ko a Nii Ngleshie royal family of James Town, credit unions Association of Ghana (CUA) ane sommeŋɛ tontonziiri mine Accra poɔ.

O naŋ wa toŋ ko Okyeman Chambers yuomo ayɔpõĩ a baare, o tage yi la a be 1993 poɔ kyɛ anaŋ waana zineɛ o paale la a law trust company, meɛrɛ tontonzie ko sɛredirebo, nempeɛre noba ane notaries public.

Pɔletese Yɛlɛ

Bagbin e la neɛ kaŋa ako a kataweɛ paate (NDC). Ba da neɛ la nuuri iri o la fɔrɔ eŋ begemaale die poɔ a 1992 Ghana zaa gbuli nuuri neɛbo wagere. O are ko la a Nadowli North nu-neɛ lombori a ɔpa wɛse Irigyiŋ poɔ. 2006 poɔ, Bagbin da moɔle la o teɛroŋ ka o na are la a NDC Yidaandɔɔloŋ gyongyoŋ 2008 poɔ, kyɛ o da ba are a gyongyoŋ. O leɛ la yageroŋ wederɛ a Ghana begemaale dieŋ 2009 poɔ.

A yi wederoŋ leɛ maale vuori aroo gyɛnoɔre 2010 poɔ, yidaandɔɔ Mills da kaa iri o la ka o e minisa kõɔ̃ tonton boma, Toma ane Deri. O da la e la yageroŋ wederɛ begemaale die poɔ Mahama naaŋ wagere, onaŋ tu Benjamin Kunbuor puori, ba naŋ da kaa iri ka o e minisa ko Defense. O da la e la a Deɛpete speaker bayi soba ko begemaale die yi gyɛnoɔre 2017 te tɔ gyɛnoɔre 2021.

Begemaale Die Neɛ

1996 Nuuri Neɛbo

1996 poɔ, Bagbin di la a Nadowli North kogi ne 12,605 nuuri yi a 16,485 nuuri zaa naŋ neɛ soŋ, naŋ e 76.46% yi NPP Lawrence Banyan meŋ naŋ nyɛ 2,213 nuuri naŋ e 13.42%, Yuoni Moses Vaalandzeri naŋ e PNC nyɛ 1,490 nuuri naŋ e 9.04% ane Baslide Kpemaal naŋ e NCP nyɛ 177 nuuri naŋ e 1.07%.

2000 Nuuri Neɛbo

A 2000 Ghana nuuri neɛbo poɔ, Bagbin da la leɛ di la a o kogi a e begemaale die mɛmba ko a Nadowli North gbandige. O di la a nuuri neɛbo ne 9,004 nuuri yi a nuuri zaa naŋ neɛ soŋ, naŋ e 58.60% kyaare ne Dr. Anleu-Mwine D.B, sommeŋɛ bie, Clement Kanfuri Senchi PNC bie, Ningkpeng Pauline Wɔɔ paate bie, John Bayon Boniface Wetol, Domayele Marcel Aston National Reform paate UGM paate naŋ nyɛ 2089 nuuri, 718 nuuri, 145 nuuri, ane 0 nuuri seŋ anaŋ tutaa lɛ.

2004 Nuuri Neɛbo

2004 poɔ, ŋmaara ne a nuuri neɛbo, Nadowli North da wɛle la eŋ gbandigiri ziiri ayi, Nadowli west ane Nadowli east gbandige. Ka ba da ɛlɛte Bagbin ka o e a begemaale die mɛmba ko a Nadowli west gbandige a 2004 nuuri neɛbo wagere. Ba da ɛlɛte o la ne 11,296 nuuri yi a 22,349 nuuri zaa naŋ neɛ soŋ, naŋ e 50.5%. Ba da ɛlɛte o la kyɛ bare Clement K. Senchi naŋ e PNC, Daniel Anleu-Mwine Baga naŋ be wɔɔ paate, Sasuu Bernard Kabawunu naŋ be CPP, Bisung Edward naŋ be DPP ane Dapilaa Ishak naŋ e sommeŋɛ bie. Naŋ nyɛ 625 nuuri, 5,297 nuuri, 152 nuuri,188 nuuri, 4,791 nuuri eŋ anaŋ tutaa lɛ.

Yeliyaga Dakogo Soba Ako A Begimaale Dié

Bagbin la a speaker ko a 8th begemaale die a Ghana republic anaare eŋɛ. Ba da suo o la eŋ 7th gyɛnoɔre 2021 poɔ, saŋa na ba naŋ wa ŋmɛ kyakya baare, ka begemaale die mɛmbare da kaa iri o a kataweɛ paate yuori eŋɛ. Bagbin da di la Mike Oquaye naŋ be naaŋ a wɔɔ paate naŋ da kaa iri ka o na zɔɔ ne o dɔmɔ.

Meŋɛ Nyɔvore

Bagbin kule la Alice Adjua Yornas Bagbin, naŋ e programme Ɔfesa ko UNICEF ɔfere Ghana poɔ. O e la kiristabie naŋ e Roman Catholic puobu.