Wp/cop/Ⲥⲓⲱ̀ⲟⲩⲧ

ϯⲃⲁⲕⲓ
Ⲥⲓⲱ̀ⲟⲩⲧ
ϯⲙⲉⲧⲁ̀ⲣⲁⲃⲟⲥ: أسيوط
Ϯⲇⲓⲟⲓⲕⲏⲥⲓⲥ
Ϯⲭⲱⲣⲁ	Ⲭⲏⲙⲓ
Ⲡⲓⲑⲱϣ	Ⲥⲓⲱ̀ⲟⲩⲧ
Ⲡⲓⲇⲉⲙⲟⲥ
Ϯⲏⲡⲓ ⲛ̀ⲇⲉⲙⲟⲥ	528,669
Ϯⲙⲉⲑⲙⲏϣ	19,870/ⲭⲙ2
Ϯⲅⲉⱀⲅⲣⲁⲫⲓⲁ̀
Ⲡⲓϣⲁⲩ	26.6ⲭⲙ²

Ⲥⲓⲱ̀ⲟⲩⲧ (ⲙ̀ⲙⲉⲧⲣⲉⲙⲫⲙⲁⲣⲏⲥ: Ⲥⲓⲟⲟⲩⲧ, ϯⲙⲉⲧⲁ̀ⲣⲁⲃⲟⲥ: أسيوط) ⲟⲩϯⲙⲓ ϧⲉⲛⲬⲏⲙⲓ ⲉ̀ⲧⲉ ϯⲙⲏⲧⲣⲟⲡⲟⲗⲓⲥ ⲛ̀ⲧⲉⲡⲓⲑⲱϣ Ⲥⲓⲱ̀ⲟⲩⲧ ⲡⲉ. Ⲡⲓⲇⲉⲙⲟⲥ ϥⲟⲓ 400,000 ⲛ̀ⲣⲱⲙⲓ .

Ⲡⲓⲣⲁⲛ

Ⲛⲉⲡⲓⲣⲁⲛ ⲛ̀ⲟⲩⲉⲓⲛⲓⲛ ⲛ̀ⲧⲉⲤⲓⲱ̀ⲟⲩⲧ ⲡⲉ Λυκόπολις. Ⲛⲓⲥⲙⲟⲧ Ⲗⲩⲕⲱⲛ ⲛⲉⲙⲖⲩⲕⲟⲩ ⲥⲉⲓ ⲉ̀ⲃⲟⲗ ϧⲉⲛⲡⲁⲓⲣⲁⲛ ⲛ̀ⲟⲩⲉⲓⲛⲓⲛ. Ⲡⲓⲣⲁⲛ ⲛ̀ⲁⲣⲁⲃⲟⲥ ⲛ̀ⲧⲉⲤⲓⲱ̀ⲟⲩⲧ ⲡⲉ أسيوط ⲉ̀ⲁϥⲓ ⲉ̀ⲃⲟⲗ ϧⲉⲛⲡⲓⲣⲁⲛ ⲛ̀ⲣⲉⲙⲛ̀ⲭⲏⲙⲓ.

Ϯϩⲓⲥⲧⲟⲣⲓⲁ̀

Ϯϩⲓⲥⲧⲟⲣⲓⲁ̀ ⲛ̀ⲁⲣⲭⲉⲟⲥ

Ϧⲉⲛⲡⲓⲥⲏⲟⲩ ⲛ̀ⲧⲉϯⲙⲉⲧⲟⲩⲣⲟ ⲑⲁ ⲑⲙⲏϯ ⲛⲓⲁⲣⲭⲱⲛ ⲛ̀ⲧⲉⲤⲓⲱ̀ⲟⲩⲧ ⲉ̀ⲧⲉ ⲛⲁⲓ ⲛⲉ Ϣⲉⲧⲓ Ⲁ̅ ⲛⲉⲙⲒⲧⲏⲃ ⲛⲉⲙϢⲉⲧⲓ Ⲃ̅ ⲁⲩⲧⲟⲙⲓⲟⲩ ⲛⲉⲙⲛⲓⲟⲩⲣⲱⲟⲩ ⲛ̀ⲧⲉϨⲛⲏⲥ ⲟⲩⲟϩ ⲁⲩϣⲱⲡⲓ ⲛ̀ⲡⲓⲑⲱϣ ⲛ̀ⲣⲏⲥ ⲛ̀ⲧⲉⲡⲟⲩⲕⲧⲏⲙⲁ. Ⲡⲓⲃⲱⲧⲥ ⲟⲩⲧⲉⲤⲓⲱ̀ⲟⲩⲧ ⲛⲉⲙⲛⲓⲛⲟⲙⲟⲥ ⲛ̀ⲣⲏⲥ ⲉⲧⲭⲏ ϧⲁⲡⲁⲙⲁϩⲓ ⲛ̀ⲧⲉⲚⲏ ⲁϥϫⲱⲕ ⲉ̀ⲃⲟⲗ ϧⲉⲛⲡⲓϭⲣⲟ ⲛ̀ⲧⲉⲚⲏ, ⲉϥⲑⲉⲃⲓⲟ̀ ⲙ̀ⲡⲓϫⲟⲙ ⲛ̀ⲧⲉⲤⲓⲱ̀ⲟⲩⲧ. Ⲛⲓϫⲓⲙⲓ ⲛ̀ⲁⲣⲭⲉⲟ̀ⲗⲟⲅⲓⲕⲟⲛ ϧⲉⲛⲤⲓⲱ̀ⲟⲩⲧ ⲥⲉⲉⲣⲡⲉⲣⲓⲉ̀ⲭⲓⲛ ⲛ̀ⲛⲓⲉⲙϩⲁⲩ ⲛ̀ⲧⲉⲛⲓⲏⲓ Ⲑ̅, Ⲓ̅, ⲛⲉⲙⲒ̅Ⲃ̅, ⲛⲉⲙⲛⲓⲉⲙϩⲁⲩ ⲛ̀ⲧⲉⲛⲓϣⲉⲛⲣⲁⲙⲏⲥⲥⲏ ⲛ̀ⲧⲉⲤⲓⲏ̀ⲥⲓ ⲛⲉⲙⲀ̀ⲙⲉⲛϩⲱⲧⲡ.

Ⲟⲩϩⲁⲧ ⲛ̀ⲁ̀ⲡⲁⲥ ⲉ̀ⲃⲟⲗ ϧⲉⲛⲖⲩⲕⲱⲛ. Ϯϩⲓⲕⲱⲛ ⲉ̀ⲃⲟⲗ ϧⲉⲛDescrizione delle medaglie dei Nômi.

Ⲗⲩⲕⲟⲡⲟⲗⲓⲥ ⲡⲓⲣⲁⲛ ⲛ̀ⲟⲩⲉⲓⲛⲓⲛ ⲛ̀ⲧⲉⲤⲓⲱ̀ⲟⲩⲧ, ⲛⲁⲩⲧⲟⲙⲧ ⲙ̀ⲙⲟϥ ⲛⲉⲙⲡⲓϣⲉⲙϣⲓ ⲛ̀Ⲟⲩⲥⲓⲣⲓ ⲙ̀ⲫⲣⲏϯ ⲛ̀ⲟⲩⲟⲩⲱⲛϣ, ⲟⲩⲡⲁⲣⲁⲇⲟⲥⲓⲥ ⲉ̀ⲧⲁⲩⲧⲁϫⲣⲟⲥ ϩⲓⲧⲉⲛⲡⲓϫⲓⲙⲓ ⲛ̀ϩⲁⲛⲙⲓⲟ̀ⲗⲱⲛ ⲛ̀ⲧⲉϩⲁⲛⲟⲩⲱⲛϣ ϧⲉⲛⲡⲓⲙⲁ. Ⲕⲁⲧⲁⲟⲩⲙⲩⲑⲟⲥ ⲉ̀ⲧⲁⲩⲁ̀ⲣⲉϩ ⲉ̀ⲣⲟϥ ϩⲓⲧⲉⲛⲆⲓⲟⲇⲟⲣⲟⲥ ⲡⲓⲢⲉⲙⲛⲥⲓⲕⲓⲗⲓⲁ̀ ⲟⲩⲥⲧⲣⲁⲧⲉⲩⲙⲁ ⲛ̀ⲉ̀ⲑⲱϣ ⲉⲩϭⲓϧⲣⲁϥ ⲉ̀Ⲭⲏⲙⲓ ⲁⲩϭⲟϫⲓ ⲛ̀ⲥⲱⲟⲩ ⲉ̀ⲃⲟⲗ ϩⲓⲧⲉⲛϩⲁⲛⲟⲩⲱⲛϣ ϧⲁⲧⲉⲛⲒⲏⲃ. Ⲟⲩⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲉⲩⲙⲟⲩϯ ⲉ̀ⲣⲟⲥ ϫⲉϯⲙⲉⲧⲣⲉⲙⲛⲥⲓⲱ̀ⲟⲩⲧ ⲁⲥϣⲱⲡⲓ ⲙ̀ⲡⲁⲓⲙⲁ. Ⲟⲩⲟϩ ⲟⲛ ⲁⲩϫⲓⲙⲓ ⲛ̀ⲟⲩⲛⲓϣϯ ⲛ̀ⲁ̀ϩⲟ ⲛ̀ⲧⲉⲛⲓⲣⲱⲙⲉⲟⲥ ϧⲁⲧⲉⲛϯⲃⲁⲕⲓ ϧⲉⲛⲧⲁⲣⲭⲏ ⲙ̀Ⲕ̅ ⲛ̀ⲉ̀ⲱⲛ ⲉϥⲉⲣⲡⲉⲣⲓⲉⲭⲓⲛ ⲛ̀ϩⲁⲛⲕⲟⲥⲙⲏⲥⲓⲥ ⲉⲩⲭⲏ ϯⲛⲟⲩ ϧⲉⲛϩⲁⲛⲙⲟⲩⲥⲓⲟⲛ ⲛ̀ⲧⲉⲈⲩⲣⲱⲡⲏ ⲛⲉⲙⲀ̀ⲙⲉⲣⲓⲕⲏ. Ⲥⲓⲱ̀ⲟⲩⲧ ⲛⲉ ⲟⲩⲁⲩⲣⲏϫϥ ⲟⲛ ⲡⲉ ⲛ̀ⲧⲉⲡⲓⲙⲱⲓⲧ ⲛ̀ⲧⲉ40 ⲛ̀ⲉ̀ϩⲟⲟⲩ ⲟⲩⲙⲱⲓⲧ ⲛ̀ϣⲱⲧ ⲛ̀ⲁ̀ⲡⲁⲥ ⲉϥⲧⲱⲙⲧ ⲛ̀ϯⲃⲁⲕⲓ ⲛⲉⲙⲆⲁⲣϥⲟⲩⲣ ⲉ̀ⲧⲁϥⲣⲟⲩⲟ̀ ⲙ̀ⲫⲣⲏϯ ⲛ̀ⲟⲩⲛⲓϣϯ ⲙ̀ⲙⲱⲓⲧ ⲛ̀ⲧⲉⲛⲓⲥⲩⲛⲟⲇⲓⲁ̀ ϧⲉⲛⲒ̅Ⲇ̅ ⲛ̀ⲉ̀ⲱⲛ.

Ϯⲥⲧⲟⲣⲓⲁ̀ ⲛ̀ⲭⲣⲓⲥϯ̀ⲁⲛⲟⲥ

Ϧⲉⲛⲡⲓⲥⲏⲟⲩ ⲛ̀ⲧⲉⲡⲓⲇⲓⲱⲅⲙⲟⲥ ⲛ̀ⲧⲉⲡⲓⲟⲩⲣⲟ Ⲇⲓⲟ̀ⲕⲗⲏⲧⲓⲁ̀ⲛⲟⲥ, ⲡⲓⲉ̀ⲡⲓⲥⲕⲟⲡⲟⲥ Ⲁ̀ⲡⲁⲇⲓⲟⲛ ⲛ̀ⲧⲉⲀⲛⲧⲓⲛⲱⲟⲩ ⲁϥϫⲓⲙⲓ ⲛ̀ⲟⲩⲙⲉⲧϣⲫⲏⲣ ⲛ̀ⲭⲣⲓⲥⲧⲓⲁⲛⲟⲥ ϧⲉⲛⲤⲓⲱ̀ⲟⲩⲧ. Ⲁⲩⲥϧⲁⲓ ⲙ̀ⲡⲁⲓϩⲱⲃ ϧⲉⲛⲡⲓⲥⲩⲛⲁⲝⲁⲣⲓⲟⲛ ⲛ̀ⲁ̀ⲣⲁⲃⲟⲥ ϧⲉⲛⲡⲓⲥⲟⲩ1 ⲛ̀ⲧⲉⲡⲓⲁ̀ⲃⲟⲧ Ⲉⲙϣⲓⲣ. Ⲁ̀ⲣⲓⲁ̀ⲛⲟⲥ ⲡⲓϩⲏⲅⲉⲙⲱⲛ ⲁⲩⲥϧⲁⲓ ⲉⲑⲃⲏⲧϥ ϫⲉ ⲁϥϭⲟϫⲓ ⲛ̀ⲥⲁ ⲛⲓⲭⲣⲓⲥⲧⲓⲁⲛⲟⲥ ϧⲉⲛⲤⲓⲱ̀ⲟⲩⲧ ⲉ̀ⲧⲉ ⲛ̀ϧⲏⲧⲟⲩ ⲡⲓⲙⲁⲣⲧⲩⲣⲓⲁ̀ ⲛ̀ⲧⲉⲐⲉⲕⲗⲁ ⲧϣⲉⲣⲓ ⲛ̀Ⲕⲩⲣⲟⲥ ⲉ̀ⲧⲁⲩϯϩⲁⲡ ⲉ̀ⲣⲟⲥ ϧⲉⲛϯⲃⲁⲕⲓ.

Ⲛⲓⲙⲁⲣⲧⲩⲣⲟⲥ

Ⲥⲓⲱ̀ⲟⲩⲧ ⲛⲉⲟⲩⲙⲁ ⲡⲉ ⲛ̀ⲧⲉϩⲁⲛⲛⲓϣϯ ⲛ̀ⲇⲓⲱⲅⲙⲟⲥ ⲛⲉⲙⲙⲁⲣⲧⲩⲣⲓⲁ̀ ϧⲉⲛⲡⲓⲥⲏⲟⲩ ⲛ̀ⲧⲉⲆⲓⲟ̀ⲕⲗⲏⲧⲓⲁ̀ⲛⲟⲥ. Ⲁⲡⲁ Ⲓⲥⲭⲩⲣⲱⲛ ⲡⲓⲢⲉⲙⲕⲁⲗⲗⲓⲛ ⲁϥϭⲓ ⲙ̀ⲡⲓⲭⲗⲟⲙ ⲛ̀ⲧⲉϯⲙⲉⲧⲙⲁⲣⲧⲩⲣⲟⲥ ϧⲉⲛϯⲃⲁⲕⲓ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϧⲉⲛⲡⲓⲥⲩⲛⲁⲝⲁⲣⲓⲟⲛ ϧⲉⲛⲡⲓⲥⲟⲩ6 ⲓⲉ 7 ⲙ̀ⲡⲓⲁ̀ⲃⲟⲧ Ⲡⲁⲱ̀ⲛⲓ. Ⲫⲟⲓⲃⲁⲙⲙⲱⲛ ⲉ̀ⲧⲁϥϫⲱⲗ ⲉ̀ⲃⲟⲗ ⲉ̀ϣⲧⲉⲙⲟⲩⲱϣⲧ ⲙ̀ⲡⲓⲛⲟⲩϯ ⲛ̀ⲧⲉⲡⲓⲙⲁ ⲡⲖⲩⲕⲁⲥⲧⲟⲥ ⲁⲩϧⲟⲑⲃⲉϥ ϧⲉⲛⲤⲓⲱ̀ⲟⲩⲧ ⲡⲓⲙⲁ ⲉ̀ⲧⲁⲩⲕⲱⲧ ⲙⲉⲛⲉⲛⲥⲱⲥ ⲛ̀ⲟⲩⲉⲕⲕⲗⲏⲥⲓⲁ̀ ⲉⲩⲧⲁⲓⲟ̀ ⲛⲁϥ.

Ϯⲃⲁⲕⲓ ⲥⲉⲧⲟⲙⲧ ⲟⲛ ⲛⲉⲙ ϩⲁⲛⲕⲉⲁ̀ⲅⲓⲟⲥ ⲛ̀ⲣⲁⲛ, ⲉ̀ⲧⲉ ⲛ̀ϧⲏⲧⲟⲩ Ⲁⲣⲥⲉⲛⲟⲫⲓⲟⲥ ⲛⲉⲙⲛⲏ ⲉⲑⲛⲉⲙⲁϥ ⲉ̀ⲧⲁⲩϭⲓ ⲙ̀ⲡⲓⲭⲗⲟⲙ ⲛ̀ⲧⲉϯⲙⲉⲧⲙⲁⲣⲧⲩⲣⲟⲥ ϧⲉⲛⲤⲓⲱ̀ⲟⲩⲧ ⲛⲉⲙⲔⲗⲁⲩⲇⲓⲟⲥ, ⲉ̀ⲧⲁⲡⲉϥⲙⲁ ⲉⲑⲟⲩⲁⲃ ϣⲱⲡⲓ ⲛ̀ⲟⲩⲙⲁ ⲛ̀ϫⲓⲛϣⲓⲛⲓ ⲛ̀ⲣⲁⲛ. Ⲡⲓⲙⲁⲣⲧⲩⲣⲟⲥ Ⲃⲓⲕⲧⲱⲣ ⲡⲓⲢⲉⲙϣⲱ ⲁⲩⲙⲁⲥϥ ϧⲉⲛϯⲃⲁⲕⲓ ⲉ̀ⲧⲁⲩⲥϧⲁⲓ ⲙ̀ⲡⲉϥⲉⲣⲫⲙⲉⲩⲓ ϧⲉⲛⲡⲓⲥⲩⲛⲁⲝⲁⲣⲓⲟⲛ ⲛ̀ⲁ̀ⲣⲁⲃⲟⲥ ϧⲉⲛⲡⲓⲥⲟⲩ5 ⲙ̀ⲡⲓⲁ̀ⲃⲟⲧ Ⲭⲟⲓⲁⲕ.

Ϩⲁⲛⲙⲟⲛⲁⲥⲧⲏⲣⲓⲟⲛ ⲡⲁⲣⲁϯⲃⲁⲕⲓ

Ⲛⲓⲥϧⲁⲓ ⲛ̀ⲧⲉⲛⲓⲉ̀ϩⲉⲛ ⲉⲧϧⲉⲛⲑⲙⲏϯ ⲛ̀ϫⲉⲀ̀ⲫⲟⲩ Ⲥⲁⲗⲓϩ ⲛⲉⲙⲀⲗⲙⲁⲕⲣⲓⲍⲓ ⲥⲉⲥϧⲁⲓ ⲉⲑⲃⲉⲟⲩⲙⲏϣ ⲙ̀ⲙⲟⲛⲁⲥⲧⲏⲣⲓⲟⲛ ⲛⲉⲙⲉⲕⲕⲗⲏⲥⲓⲁ̀ ϧⲉⲛⲤⲓⲱ̀ⲟⲩⲧ. Ⲁⲫⲟⲩ Ⲥⲁⲗⲓϩ ϥ̀ⲥϧⲁⲓ ⲉⲑⲃⲉ60 ⲛ̀ⲉⲕⲕⲗⲏⲥⲓⲁ̀ ⲛⲉⲙϩⲁⲛⲙⲟⲛⲁⲥⲧⲏⲣⲓⲟⲛ ϧⲉⲛⲡⲓⲥⲫⲓⲣ ⲙ̀ⲡⲉⲙⲉⲛⲧ ⲛ̀ⲧⲉⲪⲓⲁ̀ⲣⲟ ⲙ̀ⲡⲉⲙⲑⲟ ⲛ̀Ⲥⲓⲱⲟⲩⲧ ⲉ̀ⲧⲉ ⲛ̀ϧⲏⲧⲟⲩ ⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲧⲉϯⲁ̀ⲅⲓⲁ̀ Ⲑⲉⲟ̀ⲧⲟⲕⲟⲥ ⲛ̀ⲧⲉⲛⲓⲅⲣⲁⲫⲉⲱⲛ ⲛⲉⲙⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲤⲉⲩⲏⲣⲟⲥ ϧⲉⲛⲛⲓⲧⲱⲟⲩ ⲥⲁⲃⲟⲗ ⲛ̀ϯⲃⲁⲕⲓ.

Ⲁⲗⲙⲁⲕⲣⲓⲍⲓ ϥ̀ⲥϧⲁⲓ ⲉⲑⲃⲉϣⲟⲙⲧ ⲙ̀ⲙⲟⲛⲁⲥⲧⲏⲣⲓⲟⲛ ⲉ̀ⲧⲁⲩⲥⲱϫⲡ ϧⲉⲛⲒ̅Ⲉ̅ ⲛ̀ⲉ̀ⲱⲛ ⲛ̀ϫⲉⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓϣⲁϣϥ ⲛ̀ⲧⲱⲟⲩ, ⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲧⲉⲛⲓⲣⲉϥⲙⲱⲟⲩⲧ ⲛⲉⲙⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲛⲓⲅⲣⲁⲫⲉⲱⲛ. Ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓϣⲁϣϥ ⲛ̀ⲧⲱⲟⲩ ⲛⲁⲩⲥⲱⲟⲩⲛ ⲙ̀ⲙⲟϥ ⲟⲛ ϫⲉⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲒⲱⲁⲛⲛⲏⲥ ⲡⲓⲔⲟⲗⲟⲃⲟⲥ ⲟⲩⲟϩ ⲁⲩϣⲉⲣϣⲱⲣϥ ϧⲉⲛ1418.

Ϩⲁⲛⲡⲉⲣⲓⲃⲗⲉⲡⲧⲟⲥ

Ⲛⲓⲣⲉⲙⲙⲱⲓⲧ ⲛ̀ⲧⲉⲉⲩⲣⲱⲡⲏ ϧⲉⲛⲡⲓⲙⲁϩ17 ⲛⲉⲙ ⲡⲓⲙⲁϩ18 ⲛ̀ⲉ̀ⲱⲛ, ⲙ̀ⲫⲣⲏϯ ⲛ̀Ⲃⲁⲛⲥⲗⲏⲃⲉⲛ ⲛⲉⲙϢⲁⲣⲗ Ⲡⲟⲛⲥⲏ ⲁⲩⲥϧⲁⲓ ⲉⲑⲃⲉⲛⲓⲙⲁ ⲛ̀ⲭⲣⲓⲥⲧⲓⲁ̀ⲛⲟⲥ ⲉⲧⲥⲱϫⲡ ϧⲉⲛⲤⲓⲱ̀ⲟⲩⲧ ⲕⲁⲧⲁⲫⲣⲏϯ ⲛ̀ⲛⲓⲣⲁϧⲧ ⲛ̀ⲧⲉⲡⲓⲁⲙⲫⲓⲑⲉⲁⲧⲣⲟⲛ ⲉ̀ⲧⲁ Ⲡⲟⲛⲥⲏ ⲥϧⲁⲓ ⲉⲑⲃⲏⲧⲟⲩ ϧⲉⲛ1698.

Ϯⲑⲣⲉⲥⲕⲓⲁ̀

Ⲛⲉⲛⲓⲉⲛⲑⲏⲣ ⲛ̀ⲥⲓⲱ̀ⲟⲩⲧ ⲛⲉ Ⲁ̀ⲛⲟⲩⲡ ⲛⲉⲙⲞⲩⲡⲟⲩⲱⲓ. Ϩⲁⲛⲙⲏϣ ⲛ̀ⲭⲣⲓⲥⲧⲓⲁ̀ⲛⲟⲥ ⲥⲉϩⲉⲙⲥⲓ ⲉ̀Ⲥⲓⲱ̀ⲟⲩⲧ ⲙ̀ⲫⲟⲟⲩ.

Ⲛн ⲉⲑⲟⲩⲁⲃ ⲛ̀ⲭⲣⲓⲥⲧⲓⲁ̀ⲛⲟⲥ ⲉⲧⲧⲟⲙⲓ ⲛⲉⲙϯⲃⲁⲕⲓ

Ⲁ̀ⲡⲁ Ⲫⲟⲓⲃⲁⲙⲙⲱⲛ
Ⲓⲱϩⲁⲛⲛⲏⲥ ⲡⲓⲢⲉⲙⲥⲓⲱ̀ⲟⲩⲧ
Ⲛⲓⲙⲁⲣⲧⲩⲣⲟⲥ Ⲑⲉⲕⲗⲁ ⲛⲉⲙⲠⲁⲙⲟⲩⲛ ⲛⲉⲙⲔⲗⲁⲩⲇⲓⲟⲥ
Ⲁ̀ⲡⲁ Ⲅⲉⲱⲣⲅⲓⲟⲥ

Ϩⲁⲣⲉⲙⲫⲙⲁ

Ⲕⲟⲗⲟⲩⲑⲟⲥ, ⲡⲓⲡⲟⲓⲏⲧⲏⲥ ⲛ̀ⲟⲩⲉⲓⲛⲓⲛ
Ⲙⲉⲗⲉⲧⲓⲟⲥ ⲡⲓⲢⲉⲙⲗⲩⲕⲱⲛ, ⲡⲓⲁⲣⲭⲏⲅⲟⲥ ⲛ̀ⲧⲉ ⲛⲓⲣⲉⲙⲛ̀ⲙⲉⲗⲉⲧⲓⲟⲥ
Ⲟⲩⲙⲁⲣ Ⲙⲁⲕⲣⲁⲙ, ⲡⲓⲣⲉⲙϣⲑⲟⲣⲧⲉⲣ ⲛⲉⲙⲡⲓⲛⲏⲃ