Wp/cop/Ⲡⲉⲗϩⲱⲛ

Ⲡⲉⲗϩⲱⲛ ⲟⲩⲑⲟⲩⲱⲧ ⲛ̀ⲁ̀ⲛⲁⲕⲟⲛⲓⲁ̀ ⲡⲉ ⲉ̀ⲣⲉ ⲟⲩⲟⲛⲡⲓⲥⲱⲙⲁ ⲙ̀ⲙⲟⲩⲓ̀ ⲛⲉⲙϯⲁ̀ⲫⲉ ⲛ̀ⲣⲱⲙⲓ oⲩⲟϩ ⲉ̀ⲧⲟϩⲓ ⲉ̀ⲣⲁⲧϥ ϩⲓϫⲉⲛϯⲟⲩⲏϣⲥⲓ ⲛ̀ⲧⲉϯⲠⲉⲣⲥⲓoⲥ ⲉⲧϩⲓϫⲉⲛⲡⲓⲭⲣⲱ ⲥⲁⲡⲉⲙⲉⲛⲧ ⲙ̀Ⲫⲓⲁ̀ⲣⲟ ϧⲉⲛⲬⲏⲙⲓ.

Ⲡⲉⲗϩⲱⲛ.

Ⲛⲉϥⲣⲁⲛ

Ⲡⲓⲣⲁⲛ ⲙ̀ⲙⲉⲧⲣⲉⲙⲛ̀ⲭⲏⲙⲓ ⲉⲧⲁⲩⲟⲩⲁϩⲙⲥⲱⲛⲧ ⲡⲉ Ⲡⲉⲗϩⲱⲛ ⲉⲧⲁϥⲥϧⲁⲓ ⲛ̀ⲥⲁ Ⲁⲗⲙⲉⲕⲣⲓⲍⲓ ϩⲱⲥ Ⲡⲉⲗϩⲉⲓⲃ (ⲙ̀ⲙⲉⲧⲁ̀ⲣⲁⲃⲟⲥ: بلهيب). Ⲡⲓⲣⲁⲛ ⲙ̀ⲙⲉⲧⲁ̀ⲣⲁⲃⲟⲥ ⲡⲉ Ⲁ̀ⲡⲟⲩⲁⲗϩⲟⲩⲗ ⲉϥϫⲉⲣⲉ «ⲫⲓⲱⲧ ⲛ̀ⲧⲉϯϩⲟϯ» ⲉϥⲗⲟϥⲗⲉϥ ⲙ̀ⲡⲓⲣⲁⲛ ⲙ̀ⲙⲉⲧⲣⲉⲙⲛ̀ⲭⲏⲙⲓ.

Ⲛⲓⲣⲉⲙⲛ̀ⲭⲏⲙⲓ ⲛ̀ⲁⲡⲁⲥ ⲁⲩϯⲣⲉⲛϥ Ϩⲁⲣⲙⲁϣⲓ.

Ⲛⲓⲟⲩⲉⲓⲛⲓⲛ ⲁⲩⲙⲟⲩϯ ⲉ̀ⲡⲓⲣⲁⲛ Ⲥⲫⲓⲛⲝ ⲉⲧⲟⲩⲥⲱⲛⲧ ⲙ̀ⲡⲓⲣⲉϥⲧϩⲫⲉϣϥⲱ ⲛ̀ⲟⲩⲉⲓⲛⲓⲛ ⲡⲉ.

Ϯⲥⲧⲟⲣⲓⲁ̀

Ⲡⲉϥⲣⲉϥⲕⲱⲧ ⲛⲉⲙⲧⲉϥⲭⲣⲉⲓⲁ

Ϣⲉϥⲣⲏ ⲡⲓⲟⲩⲣⲟ

Ϯⲙⲉⲑⲃⲁⲗⲭⲏⲙⲓ ⲙ̀ⲫⲟⲟⲩⲓ ⲥ̀ϫⲟⲥ ⲛⲁⲛ ϫⲉ ⲁⲩⲕⲟⲧϥ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲓⲟⲩⲣⲟ Ϣⲉϥⲣⲏ ϧⲉⲛ2500 ⲛ̀ⲣⲟⲙⲡⲓ ⲉⲧⲥⲁⲧϩⲏ ⲙ̀ⲡϭⲟⲓⲥ.

Ⲡⲓⲑⲟⲩⲟϯ ⲛ̀ϯⲣⲁⲥⲟⲩⲓ̀ ⲉⲧⲁⲩⲕⲱⲧ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲓⲟⲩⲣⲟ Ⲑⲱⲟⲩⲑⲙⲓⲥⲓ ⲇ̅ ⲕⲁⲓⲅⲁⲣ ϥⲉⲣⲗⲱⲟⲩ ⲙ̀Ⲡⲉⲗϩⲱⲛ ⲉ̀Ϣⲉϥⲣⲏ. Ⲉⲧⲁⲩϫⲓⲙⲓ ⲙ̀ⲡⲓⲑⲟⲩⲟϯ, ⲛⲉϥϧⲓⲣ ⲙ̀ⲡⲓⲥϧⲁⲓ ⲁⲩⲉⲣⲟⲥⲓ ⲟⲩⲟϩ ⲛⲁⲩϫⲱ ⲙ̀ⲙⲟⲥ ϫⲉ:

«...ⲉⲛⲉⲓⲛⲓϥ ⲉⲧⲉ ⲟⲩⲉϩⲉ ⲛⲉⲙϩⲁⲛⲥⲓⲙ ⲛⲓⲃⲉⲛ ⲟⲩⲟϩ ⲉⲛⲉϯϩⲱⲥ ⲉⲃⲉⲛⲟϥⲉⲣ...ϣⲉϥ (ⲟⲩⲧⲟⲓ ⲙ̀ⲡⲓⲣⲁⲛ ⲁⲩⲥⲟⲣⲉⲙ)...ⲡⲓⲑⲟⲩⲱⲧ ⲉⲧⲁⲩⲑⲁⲙⲓⲟ ⲉⲀⲑⲱⲙϩⲁⲣⲙⲁϣⲓ.»

Ϩⲁⲛⲕⲉⲑⲉⲱⲣⲓⲁ

Ϧⲉⲛ1857 Ⲟ̀ⲅⲓⲟⲩⲥⲧ Ⲙⲁⲣⲓⲉⲧ ⲫⲏ ⲉⲧⲁϥϣⲱⲡⲓ ⲙ̀ⲡⲓⲣⲉϥϩⲓⲥⲉⲛϯ ⲛ̀ⲧⲉⲡⲓⲙⲟⲩⲥⲉⲓⲟⲛ ⲛ̀ⲣⲉⲙⲛ̀ⲭⲏⲙⲓ ϧⲉⲛϯⲔⲉϣⲣⲱⲙⲓ ⲁϥϫⲓⲙⲓ ⲡⲓⲑⲟⲩⲟϯ ⲛ̀ⲓⲙⲃⲉⲛⲧⲟⲛ ⲉⲧⲁⲩⲕⲱⲧ ⲙⲉⲛⲉⲛⲥⲁ ⲛⲁⲓ ⲉϥϫⲱ ⲙ̀ⲙⲟⲥ ϫⲉ Ϣⲉϥⲣⲏ ⲁϥⲓ̀ ⲉ̀ϫⲉⲛ Ⲡⲉⲗϩⲱⲛ ⲉⲧⲁⲩⲑⲟⲙⲥ ϩⲏⲇⲏ ϧⲉⲛⲡⲓϣⲱ. Ⲕⲁⲛ ϩⲁⲛⲟⲩⲟⲛ ⲛ̀ⲧⲉⲛⲓϧⲓⲣ ϩⲓϫⲉⲛⲡⲁⲓⲑⲟⲩⲟϯ ⲥⲉⲉⲣⲙⲏⲓ, ⲛⲁⲓⲧⲟⲓ ⲙ̀ⲡⲓⲥϧⲁⲓ ⲛⲁⲓ ⲉⲧⲟⲩⲙⲉⲩⲓ̀ ⲉ̀ⲣⲱⲟⲩ ϫⲉ ⲛⲓⲛⲟⲩϫ ⲛⲉ ⲉⲧⲁⲩⲑⲁⲙⲓⲟ ⲉ̀ⲃⲟⲗ ϩⲓⲧⲟⲧⲟⲩ ⲛ̀ⲛⲓⲟⲩⲏⲃ ⲉ̀ϯⲥⲧⲟⲣⲓⲁ̀ ⲛ̀ⲁⲣⲭⲁⲓⲟⲥ ⲉ̀ⲡⲓⲉⲣⲫⲉⲓ ⲙ̀ⲃⲉⲣⲓ ϧⲉⲛⲫⲣⲁⲛ ⲛ̀Ⲏ̀ⲥⲓ.

Ⲅⲁⲥⲑⲱⲛ Ⲙⲁⲥⲡⲉⲣⲱ ⲫⲏ ⲉⲧⲁϥϣⲱⲡⲓ ⲛ̀ϯⲁⲫⲉ ⲙ̀ⲙⲁϩⲥⲛⲟⲩϯ ⲙ̀ⲡⲓⲙⲟⲩⲥⲉⲓⲟⲛ ⲛ̀ⲣⲉⲙⲛ̀ⲭⲏⲙⲓ ⲁϥⲫⲱⲗϫ ⲉ̀ⲃⲟⲗ ϫⲉϢⲉϥⲣⲏ ⲫⲏ ⲉⲧϣⲉⲕϣⲱⲕ ⲙ̀Ⲡⲉⲗϩⲱⲛ ⲟⲩⲟϩ ⲛ̀ⲑⲟϥ ϥⲉⲣϣⲟⲣⲡ ⲉ̀ⲣⲟϥ ⲛⲉⲙⲛⲉϥⲡⲣⲟⲏⲅⲟⲩⲙⲉⲛⲟⲥ. Ⲁϥⲛⲁϩϯ ϫⲉⲠⲉⲗϩⲱⲛ ⲡⲉ «ⲡⲓⲁⲡⲁⲥ ⲛ̀ⲑⲟⲩⲱⲧ ⲛ̀ⲣⲉⲙⲛ̀ⲭⲏⲙⲓ».

Ϩⲁⲛⲑⲉⲱⲣⲓⲁ̀ ⲛ̀ϣⲧⲁϯ

Ⲟⲩⲟⲛϩⲁⲛⲙⲏϣ ⲛ̀ϩⲁⲛⲑⲉⲱⲣⲓⲁ ⲛ̀ϣⲧⲁϯ ϩⲱⲥ ϯⲑⲉⲱⲣⲓⲁ̀ ⲛ̀ⲡⲓϫⲓⲛⲉⲣⲗⲱⲟⲩ ⲛ̀Ⲟ̀ⲣⲉⲓⲱⲛ, ϯⲑⲉⲱⲣⲓⲁ̀ ⲛ̀ϯϣⲉⲃⲓⲱ̀ ⲛ̀ⲕⲗⲓⲙⲁ, ϯⲑⲉⲱⲣⲓⲁ̀ ⲙ̀Ⲡⲉⲗϩⲱⲛ-Ⲁ̀ⲛⲟⲩⲡ ⲛⲉⲙϩⲁⲛⲕⲉⲭⲱⲟⲩⲛⲓ.