Wp/cop/Ⲟⲩⲥⲓⲣⲓ

Ⲟⲩⲥⲓⲣⲓ ⲟⲩⲛⲟⲩϯ ⲛ̀ⲧⲉⲡϫⲓⲛϯⲕⲁⲣⲡⲟⲥ ⲛⲉⲙϯⲙⲉⲧⲟⲩⲱⲓ ⲛⲉⲙⲡⲧⲏ ⲛⲉⲙⲫⲙⲟⲩ ⲛⲉⲙⲡⲱⲛϧ ⲡⲉ ϧⲉⲛϯⲑⲣⲉⲥⲕⲓⲁ̀ ⲛ̀ⲣⲉⲙⲛ̀ⲭⲏⲙⲓ ⲛ̀ⲁ̀ⲡⲁⲥ. Ⲛⲉⲟⲩⲥⲟⲛ ⲡⲉ ⲛ̀ⲧⲉⲤⲏⲧ ⲡⲉ ⲉⲧⲁϥϧⲟⲑⲃⲉϥ ⲟⲩⲟϩ ⲁϥϣⲁⲧϥ. Ⲙⲉⲛⲉⲛⲥⲁ ⲛⲁⲓ ⲁϥϫⲱⲣ ⲉ̀ⲃⲟⲗ ⲛ̀ⲛⲉϥⲙⲉⲗⲟⲥ ⲙ̀ⲡⲕⲱϯ ⲛ̀ⲭⲏⲙⲓ ⲁⲗⲗⲁ Ⲏⲥⲓ ϯⲥϩⲓⲙⲓ ⲛ̀Ⲟⲩⲥⲓⲣⲓ ⲛⲉⲙⲚⲉⲃⲑⲱ ⲧⲉϥⲥⲱⲛⲓ ⲁⲩϫⲉⲙⲟⲩ ⲧⲏⲣⲟⲩ ⲉ̀ⲃⲏⲗ ⲉ̀ⲡⲉϥⲥⲉⲧ. Ⲁⲥⲕⲟⲩⲗⲱⲗ ⲙ̀ⲡⲉϥⲥⲱⲙⲁ ⲟⲩⲟϩ ⲁϥⲧⲁⲥⲑⲟ ⲉ̀ⲡⲱⲛϧ. Ϩⲱⲣ ⲡⲉϥϣⲏⲣⲓ ⲁϥⲃⲱⲧⲥ ⲟⲩⲃⲉⲤⲏⲧ ⲡⲓⲣⲉϥϭⲓⲙⲁ ⲟⲩⲟϩ ⲁϥϭⲣⲟ ⲉ̀ⲣⲟϥ ⲉ̀ⲁϥϣⲱⲡⲓ ⲙ̀ⲫⲁⲣⲁⲱ.

Ⲟⲩⲥⲓⲣⲓ ⲉⲧⲁⲩⲫⲟⲧϩϥ ⲙ̀ⲫⲣⲏϯ ⲛ̀ⲟⲩⲣⲱⲙⲓ ⲉⲧⲁⲩⲕⲟⲥϥ.

Ⲧⲉϥⲥⲩⲅⲅⲉⲛⲉⲓⲁ̀

Ⲕⲁⲧⲁⲥⲏⲟⲩ ⲁⲩⲙⲉⲩⲓ ⲉ̀ⲣⲟϥ ϫⲉⲡⲓⲛⲓϣϯ ⲛ̀ϣⲏⲣⲓ ⲛ̀ⲧⲉϪⲏⲃ ⲡⲓⲛⲟⲩϯ ⲛ̀ⲕⲁϩⲓ ⲛⲉⲙⲚⲟⲩⲧ ϯⲛⲑⲱⲣⲓ ⲙ̀ⲫⲏ ⲟⲩⲟϩ ϫⲉⲛⲉϥⲥⲛⲏⲟⲩ ⲛⲉ Ⲥⲏⲧ ⲛⲉⲙϨⲁⲣⲟⲩⲏⲣⲓ ⲡⲉϥϣⲏⲣⲓⲇⲉ ⲡⲉ Ϩⲱⲣ ϣⲁⲛϨⲁⲣⲡⲓϧⲣⲱⲧ. ⲚⲉⲎⲥⲓ ⲧⲉ ⲧⲉϥⲥϩⲙⲓⲙⲓ ⲛⲉⲙⲥⲱⲛⲓ.