Wp/chn/siʔaɬ (tʰawn)
pus uk tʰawn ukuk pipa. pus mayka tiki nanich uk dxʷdəwʔabš-tayi, nanich Si7alh (tayi).
| siʔaɬ Seattle (bastən-wawa) dᶻidᶻəlal̕ič (dxwləshutsid) | |
 | |
| chaku-tənas: | 1851 kʰul |
| iliʔi: | bastən-iliʔi |
| tənəs-iliʔi: | washintʰan-iliʔi |
| qʰənchi-hayu tilixam: | 737,015 (2022 kʰul) |
| qʰənchi-hayu iliʔi: | 142.07 mi² (367.97 km²) |
| ZIP-kʼwinin-ikta: | {{{ZIP-kʼwinin-ikta/ZIP codes}}} |
| qʰa siʔał miɬayt kʰapa washintan-iliʔi |
  siʔał
|
siʔaɬ, (bastən-wawa: Seattle, anqati Duwamps) iləp-hayash tʰawn kʰapa washintan-iliʔi, pi wik-saya saltsəqw pi kʰinchuch-kolombi-iliʔi siʔaɬ. dᶻidᶻəlal̕ič ukuk tʰawn-nim kʰapa dxwləshutsid-wawa. 749,256 tilixam, kakwa Bill Gates, ɬaska miɬayt kʰapa siʔaɬ.
anqati
editpus 4,000 kʰul tilixam kakwa dxwdəwʔabsh ɬaska miɬayt wik-saya qʰa alta siʔaɬ-miɬayt. George Vancouver, ixt kʰinchuch-man, yaka ɬatwa kʰapa ukuk iliʔi kʰapa 1792 kʰul.
kʰapa 1851, kʰanumakwst Luther Collins, hayu bastən ɬaska ɬatwa yawa, pi ɬaska munk Duwamps-tʰawn. wəx̣t ixt chxi tʰawn chaku wik-saya Duwamps, pi New York Alki "chxi-yak-aɬqi" uk nim. ukuk makwst tʰawn chaku kʰanumakwst pi iskam ixt chxi nim: siʔaɬ, dxʷdəwʔabš-tayi yaka nim. kʰapa 1889 kʰul, ixt hayash pʰaya munk-kakshət hayu haws kʰapa siʔaɬ. qʰənchi tilixam ɬaska t'ɬap gul kʰapa alaska-iliʔi pi yukʰan-iliʔi, hayu tilixam ɬaska chaku kʰapa siʔaɬ-tʰawn.
,_Space_Needle_--_2022_--_1505.jpg)
iliʔi-kəmtəks
editkʰapa "pʰyuwdjit"-loʔloʔ-tsəqw (x̌ʷəlč kʰapa dxwləshutsid-ləlang) siʔaɬ-tʰawn. 34 mi/ 54 km saya təqwuməʔ-tʰawn kʰapa kʰul-iwa siʔaɬ-tʰawn, pus mayka ɬatwa kʰapa I-5 uyx̣at. pus kʰapa siʔaɬ-tʰawn mayka, mayka ɬatwa 143 mi/230 km[1] kʰapa kʰul-iwa kʰapa I-5 pi BC-99 pus ɬatwa bankuba (kʰapa bisi-iliʔi.).
kusax̣
editwik siʔaɬ-tʰawn chaku dret-kʰul kʰapa kʰul-iliʔi. kʰapa ixt katsaq-qʰənchi-wam san kʰapa 12-mun (iləp-kʰul mun kʰapa siʔaɬ), siʔaɬ chaku kʰul kakwa 37°F (3°C) pi wam kakwa 47°F (8°C). kʰapa ixt katsaq-qʰənchi-wam san kʰapa 8-mun (iləp-wam mun kʰapa siʔaɬ), siʔaɬ chaku kʰul kakwa 57°F (14°C) pi wam kakwa 78°F (25°C).
iləp-wam qʰənchi-wam kʰapa siʔaɬ-tʰawn 108°F/42°C, pi iləp-kʰul qʰənchi-wam kʰapa siʔaɬ-tʰawn 0°F/-18°C.
kʰapa hayu kʰul, siʔaɬ-tʰawn iskam wik-saya 40"/1000mm snas. siʔaɬ-tʰawn iskam iləp-hayu snas kʰapa 12-mun pi 1-mun. wik-hayu snu chaku kʰapa siʔaɬ-tʰawn.
qʰata siʔaɬ iskam dala
editanqati siʔaɬ-tilixam ɬaska munk-xwim stik pus iskam hayu ɬaska dala. kʰimtʼa ukuk, siʔaɬ chaku ixt iliʔi qʰa tilixam ɬaska munk hayu bot. kʰimtʼa 1896-kʰul, qʰənchi hayu tilixam ɬaska ɬatwa pus tʼɬap gul kopa Alaska, tilixam ɬaskka ɬatwa kʰapa siʔaɬ pus tʼɬap uyx̣ət pi bot: dret ɬaska munk ukuk uyx̣at pi bot pus ɬatwa Alaska.