Wp/chn/k’alapʰuya-tilixam
k'alapʰuya-tilixam ɬaska miɬayt kʰapa wilamet-loʔloʔ-iliʔi kʰapa olekin-iliʔi. dret miməlust ɬaska ləlang, ixt "Penutian" ləlang kakwa dret-chinuk-wawa ukuk. alta hayu k'alapʰuya-tilixam ɬaska miɬayt kʰanumakwst CTGR sawash-iliʔi.
.jpg)
anqati k'alapʰuya-tilixam ɬaska miɬayt kʰapa tənəs tʰawn, bət hayu ɬaska ɬatwa pus t'ɬap məkʰmək-iktas pi iktas pus munk upq'ənəx̣. anqati k'alapʰuya-man ɬaska chaku-saliks pi ɬaska munk-pish pi iskam iɬwəli, pi k'alapʰuya-ɬuchmən ɬaska munk haws pi upq'ənəx̣, wəx̣t ɬaska iskam ulali. anqati hayu k'alapʰuya-tilixam ɬaska t'uʔan ilaytʰix.
iləp tk'up-man ɬaska chaku kʰapa olekin-iliʔi, 15,000 k'alapʰuya-tilixam ɬaska miɬayt kʰapa olekin-iliʔi. alta hayu kʰalapuya ɬaska chaku sik pi kʰapa 1849 kʰul, kʰəpit 60 kʰalapuya tilixam ɬaska miɬayt. kʰapa 1855 kʰul, ɬaska t'sipi wilamet-loʔloʔ-iliʔi pi bastən-iliʔi iskam wilamet-loʔloʔ-iliʔi.
alta 4,000 k'alapʰuya-tilixam ɬaska miɬayt kʰanumakwst Grande Ronde, pi hayu ɬaska kəmtəks chinuk, pi hayu ɬaska tiki munk-k'ilapay nsayka ləlang.
ㅤ
ㅤ
ㅤ
ㅤ
ㅤ
ㅤ
ㅤ
ㅤ
ㅤ
ㅤ
ㅤ
ㅤ
ㅤ