həm-uphuch əbə sq'əbyu əbə p'isx̣as (Mephitidae) (bastən-wawa: skunk) ixt x̣ələl ikta. łiʔil pi tq'up yaka yaqsu. qənchi mayka trai p'əq həm-uphuch, yaka mamuk skukum həm. Wik-saya 1lb/0.5kg elip tenas həm-uphuch (ts'əm-həm-uphuch, Spilogale), Wik-saya 18lb/8kg elip hayas (kosho-nus-həm-uphuch, Conepatus.) Həm-uphuch łaska məkhəmək inapu, xulxul, ulq', lisap, ulali, tipsu, lalasin, tipsu-khapa-iliʔi pi taqwəla. həm-uphuch łaska miłait khapa łxwap. łush həm-uphuch łaska nus pi q'wəlan, qəx̣chi wik łush łaska siyaxust.
Nim-ikta edit
10 nim-ikta pus həm-uphuch łaska miłait khapa khanawi iliʔi, pi kəpit makwst łaska miłait yakwa.
- Mephitis mephitis (lup-həm-uphuch).
- Spilogale gracilis (ts'əm-həm-uphuch).
Həm edit
Həm-uphuch łaska mamuk łaska həm khapa łaska khimt'a-łxwap. həm-uphuch łaska kapxu, p'isx̣as, kusait pi nanamuks; łaska t'uʔan həm kakwa həm-uphuch. Qəx̣chi wik skukum kakwa həm-uphuch yaka həm ukuk.
Qhata łaska miłait edit
Man pi łuchman həm-uphuch łaska musum khanumakwst khimt'a khul-iliʔi. Makwst mun khimt'a, uk łuchman həm-uphuch yaka mamuk katsaq 4 pi 7 tənas. Ixt man-həm-uphuch yaka iskam hayu łuchman həm-uphuch. Tənas həm-uphuch łaska chako hayas khimt'a wik saya łun mun.