Si Fikile Ntshangase (naggruan ku Oktobre 22, 2020) usad na taga-Sur Aprikang aktbistang pan-kapalibotan. Pinagkontra ni Ntshangase ana pagpalakop ka minahan na pig-ooperar ka Tendele Coal harani sa Somkhele, sa probinsya ka KwaZulu-Natal, arani sa kanyang baloy sa Ophondweni. Sya man an nanginginot na myembro ka Mfolozi Community Environmental Justice Organisation,[1] MCEJO, na naglaban sa pagpapaiwas ka minahan arani sa Hluhluwe-Imfolozi Game Reserve.[2][3]
Pira sa mga nasa komunidad, na sa tradisyon nakadepende sa pagpapastol anggan agrikultura, nagkakampanya sa pagpreserbar ka kakahuyan sa lugar, alagad pira sa mga myembros sa komunidad kaipuwan sa trabaho sa minahan kaya nagsuporta sa pagpapahiwas kadi, resulta sa dakulong kariribokan. Ku Abril, 19 na bala ana pinagpaputok sa baloy ka kontra-minahan na aktibistang si Tholakele Mthethwa.[3]
A mga lokal na arani sa minahan naging biktima ka mga panggigipit ag biyolensya sa mga bulan na bag-o ana kaggruanan ni Ntshangase. A mga pamilya na nagkontra sa paggalin sa lugar ka kandang pinagmanang mga raga pinagsabing binaradil man. Mga bandang 6:30 ka hapon ku 22 Oktubre 2020, base sa mga pulis, upat na mga kalalakihan ana nagluog sa baloy ni Ntshangase ag binadil gruan sya. 65 a saiyang edad ku sya maggruan.[1]
A kanyang kaggruanan parte ka nagpaparalangkow na bilang ka mga ginuraan na aktibistang pankapalibotan, usad na record sa kinaban ku taon 2019, basado man sa Global Witness report ku Hulyo 2020.[1]
Reperensya
edit- ↑ 1.0 1.1 1.2 Greenfield, Patrick. The Guardian. South African environmental activist shot dead in her home
- ↑ South African activist killed as contentious coal mine seeks to expand Mongabay Environmental News
- ↑ 3.0 3.1 Koko, Khaya. Mail & Guardian. How we braved danger to honour Fikile Ntshangase