Si Jacqueline Mutere usad na babaying taga-Kenya na tagabusod ka deretsos ka kababayihan ag usad sa mga kagpundar ka Grace Agenda, usad na grupo na minatao sa asistensya ag pag-abiso sa mga biktima sa panlulugos sa Kenya. Myembro man si Mutere ka National Victims and Survivors Network, usad na organisasyon na agku sa katuyohan na repasuhon ana Truth, Justice and Reconciliation Commission (TJRC).[1]
Aktibismo edit
Pinagpundar ni Mutere ana Grace Agenda ka 2010 tangani na suportaran adtong mga igin ka mga biktima sa panlulupig sa Kenya ku 2007-2008 post-election violence, makatapos na makadanas man iya sa sekswal na biyolensya ka panahon na adto. Ku makalihis sanang hamanon ana grupo, naisip ni Mutere na kadakli sa mga igin na adi nangaipo sa lugar tangani na mapagbiribisarahan ana kandang mga trauma, ag sa pagtau sa siring na luwasan, diit na sanang mga kag-igin o ina ana maipapasa an kandang trauma sa kandang mga igin.[2]
Si Mutere nagtau sa atensyon sa pagdudo sa gobyerno ka Kenya na sundon a promesa kadi na makapanao sa nasa US$100 milyon kantidad na reparasyon para sa mga nakasalbar sa panlulugos kadtong huma ku 2007-2008. A espwersong adi agku sa kaibahan na matuninong na pagmartsa tangani na maipadara ana petisyon sa senado ka Kenya tangani na parumdumon ana mga myembro kadi para sa kandang mga naipromesa sa mga nakaligtas sa panlulupig.[3]
Toltolan edit
- ↑ Jaqy Mutere – A Steadfast Voice for Women Battling Shame and Stigma in Kenya www.ictj.org
- ↑ Berkley Center for Religion, Peace and World Affairs berkleycenter.georgetown.edu
- ↑ Berkley Center for Religion, Peace and World Affairs. "Jacqueline Mutere" (in en). https://berkleycenter.georgetown.edu/people/jacqueline-mutere.