Wp/blc/Ti asank ti titq'uulhta tc

Qalxalulhmtulhap ulh ti itNuxalkmclh ti Wiki-alhqulh tc

Walh7iks?

Alhnapilh tu s7acwsalctimutnu ala sklhk'mstalh ts. Ama7itsk s7acwsalctimutnu alh Acwsalcta, acwsalctimutnu ma alh Bella Coola Elementary, acwsalctimutnu ma ala sulhnu ts alh Snxlhh, ka alh Q'umk'uts. Aytu s7ays wa amatnu ts, anaykilh ska kalaqw'saynicicw mas ti anaykmicw tc si7helpnictst ala kstucw. Wic its'ik si aytum ti alh7ay t'ayc, ti wikipediatum t'ayc. Kamalh-acwsalctimutnu ala nmnmk' ts, anaykilh ska punputl'nu kw' ula ats. Alh7ay tuu ti slq'ilh tc ka acwsalctimutnu ala alhkwtl' ts ka wa stn ts. Ala axw ayk', ka ksnmaknu tuu alh ts.

Way, ka nu7alhlxwiknu, tm7aytxw!

tl'apalhnu ma c ats

• wa nmnmk' ts
• wa smlhk ts
• wa tsitstsipii ts
• wa alhkwtl' ts
• wa stn ts
• wa apsulhilh ts
• wa amatilh ts
• wa tl'mstnuks ts